Ko lautolu ne papatiso ko e Tau Fakamoli a Iehova ka e nakai liu mogonei fakamatala ke he falu, po kua tafea kehe mai he fakalataha mo e tau matakainaga, kua nakai tiaki. Ka e matutaki atu a mautolu ki a lautolu he lali ke liu fakamata e fiafia ha lautolu ke he tau mena fakaagaaga.

 Nakai amanaki noa ni a mautolu ti tuku ki tua e tagata ha kua taute e agahala kelea ue atu. Kaeke ke fakamahani e matakainaga papatiso ke moumou e tau mahani mitaki he Tohi Tapu ti nakai fakatokihala, to tuku a lautolu ki tua he fakapotopotoaga. Talahau fakamaali he Tohi Tapu: “Kia tuku kehe e mutolu e tagata mahani kelea nā ia mutolu.”​—1 Korinito 5:13.

 Ka e kua ka tuku ki tua e taane ka e Fakamoli a Iehova agaia e hoana mo e fanau? Kua hiki e matutakiaga fakalotu haana mo e magafaoa ka e mau agaia ko e toto taha. Ko e fakafetuiaga he taane mo e hoana mo e matutakiaga fakaalofa mo e fakafehagai he magafaoa kua matutaki agaia.

 Maeke a lautolu ne tuku ki tua ke o mai ke he tau matagahua fakalotu ha mautolu. Ka manako a lautolu, maeke a lautolu ke moua foki e fakatonuaga fakaagaaga mai he tau motua he fakapotopotoaga. Ko e foliaga ke lagomatai a lautolu takitokotaha ke liu hokotia ke eke mo taha he Tau Fakamoli a Iehova. Ko e tau tagata ne tuku ki tua ne tiaki e mahani fakalialia mo e fakakite e manako mooli ke moui fakatatau ke he Tohi Tapu kua liu fakafeleveia mai ke eke mo Tau Fakamoli a Iehova.