Iinkhathi Ezibhedere Zitjhidele!

“Esikhathini esingaphelisi ihliziyo, omumbi uzabe angasekho . . . Kodwana abathobekileko bazokudla ilifa lephasi, begodu bazokufumana ithabo nokuthula okukhulu.”—IRHALANI 37:10, 11.

UNGATHANDA ukubona isiporofido esidzubhulwe ngehla sizaliseka? Ngokuqinisekileko ungathanda. Kunamabanga azwakalako wokukholelwa bona lokho kuzokwenzeka msinyazana.

Isihloko esidlulileko besikhuluma ngezinye iimporofido zeBhayibhili ezitjengisa ngokukhanyako bona siphila ‘emihleni yokuphela.’ (2 Thimothi 3:1-5) UZimu waphefumulela abatloli beBhayibhili bona babikezele ngezenzakalwezo bonyana sibe nethemba. (Roma 15:4) Ukuzaliseka kweemporofido ezinjengalezi kutjho bona iimraro esiqalene nayo kwanjesi izokuphela msinyazana.

Yini ezokulandela imihla yokuphela? UMbuso kaZimu uzokubusa boke abantu. (Matewu 6:9) Cabangela ihlathululo yeBhayibhili yobujamo bephasi ngesikhatheso:

● Indlala izokupheliswa. “Kuzokuba nenala yeenthoro ephasini; kuzokuba nokuphalaka esiqongolweni seentaba.”—IRhalani 72:16.

● Amalwelwe azokupheliswa. “Abakhe khona angekhe bathi: ‘Ngiyagula.’”—Isaya 33:24.

● Iphasi lizokuvuselelwa. “Umango nenarha eyomileko kuzokuthaba, nebhudu lizokuthaba liqhakaze njengesafroni.”—Isaya 35:1.

Lezi ngeziimbalwa zeemporofido zeBhayibhili ezikhuthazako ezizokuzaliseka msinyazana. Kubayini ungabawi aboFakazi BakaJehova bakutjengise bona kubayini baqiniseka bona iinkhathi ezibhedere zitjhidele?