AmaRhubo 145:1-21
Ingoma yokudumisa kaDavida.
א [Aleph]
145 Maye! Zimami, Kosami,+ ngizokuphakamisaNgizokudumisa igama lakho ngokungapheliko.+
ב [Beth]
2 Ngizokudumisa ilanga loke;+Ngizokudumisa igama lakho ngokungapheliko.+
ג [Gimel]
3 UJehova mkhulu, ufanelwe kudunyiswa;+Ubukhulu bakhe abuphenyeki.*+
ד [Daleth]
4 Isizukulwana ngemva kwesizukulwana sizokudumisa imisebenzakho;Sizokukhuluma ngezenzo zakho zamandla.+
ה [He]
5 Sizokukhuluma ngokuthi amandlakho amangalisa kangangani+Begodu ngizokuzindla ngokubabazeka kwemisebenzakho.
ו [Waw]
6 Sizokukhuluma ngezenzo zakho ezibabazekako,Begodu ngizokumemezela ngobukhulu bakho.
ז [Zayin]
7 Sizokubabaza nasikhumbula ubuhle bakho obukhulu,+Begodu sizokurhuwelela ngethabo ngebanga lokulunga kwakho.+
ח [Heth]
8 UJehova unomusa nesirhawu,+Akasilingeki msinya, unethando elikhulu.*+
ט [Teth]
9 UJehova muhle kibo boke,+Begodu umusakhe ubonakala emisebenzinakhe yoke.
י [Yod]
10 Maye! Jehova, imisebenzakho yoke izokuphazimulisa,+Nabathembekileko bakho bazokudumisa.+
כ [Kaph]
11 Bazokumemezela iphazimulo yobukhosi bakho+Bakhulume nangamandlakho,+
ל [Lamed]
12 Bona bazise abantu izenzo zakho zamandla+Nokuthi ubukhosi bakho bukhulu kangangani.+
מ [Mem]
13 Ubukhosi bakho bukhosi obuhlala ngokungapheliko,Begodu umbuswakho uhlala kizo zoke iinzukulwana.+
ס [Samekh]
14 UJehova usekela boke abawako+Begodu usikimisa boke ababogabogako.+
ע [Ayin]
15 Boke abantu baqale wena bona ubasize;Ubapha ukudla kwabo ngesikhathi esifaneleko.+
פ [Pe]
16 Uvula isandla sakhoWanelise isifiso sakho koke okuphilako.+
צ [Tsade]
17 UJehova ulungile kizo zoke iindlela zakhe,+Uthembekile kikho koke akwenzako.+
ק [Qoph]
18 UJehova utjhidelene nabo boke abambizako,+Boke abambiza ngeqiniso.+
ר [Resh]
19 Wanelisa isifiso salabo abamsabako;+Uyabezwa nabalilela isizo, uyabahlenga.+
ש [Shin]
20 UJehova utjheja boke abamthandako,+Kodwana boke abakhohlakeleko uzobarhayila.+
ת [Taw]
21 Umlomami uzokumemezela idumo lakaJehova;+Koke okuphilako akudumise igama lakhe elicwengileko ngokungapheliko.+
