AmaRhubo 57:1-11
Kumnqophisi; lizokuvunywa ngendlela yengoma ethi, “Ungatjhabalalisi.” Irhubo lakaDavida. IMikitamu.* Lokha abalekela uSawula aya erholweni.
57 Yiba nomusa kimi Zimu, yiba nomusa kimi,Ngombana ngiphephela kuwe,+Ngiphephela emthunzini wamaphikwakho bekube kulapho imiraro idlula.+
2 Ngibiza uZimu oPhezukoke,UZimu weqiniso, obatjhabalalisako ngebanga lami.
3 Uzokuthumela isizo elivela ezulwini angisindise.+
Uzokuhlangahlanganisa ongisahlelako. (Sela)
UZimu uzokuthumela ithando lakhe* nokuthembeka kwakhe.+
4 Ngibhodwe mabhubezi;+Kufuze ngilale hlangana nabantu abafuna ukungirhiribidela,Abanamazinyo amikhonto nemicibitjholo,Begodu banamalimu ayisabula ebukhali.+
5 Maye! Zimu, phakanyiselwa ngaphezu kwezulu;Iphazimulwakho ayibe sephasini loke.+
6 Balungise inede bona bathiye iinyawo zami;+Ngidisibezwa kugandeleleka.+
Bembe umgodi phambi kwami,Kodwana kuwele bona ngakiwo.+ (Sela)
7 Maye! Zimu ihliziywami idzimelele,+Ihliziywami idzimelele.
Ngizokubhinela iindumiso.
8 Vuka phazimulwami.
Vuka wena sinara nawe haribha.
Ngizokuvusa amathathakusa.+
9 Maye! Jehova, ngizokudumisa hlangana neentjhaba;+Ngizokubhinela iindumiso hlangana neentjhaba.+
10 Ngombana ithando lakho* likhulu, lifika ezulwini,+Nokuthembeka kwakho kufika emkayini.
11 Maye! Zimu, phakanyiselwa ngaphezu kwezulu;Iphazimulwakho ayibe sephasini loke.+
Imitlolo Ephasi
^ Qala Ihlathululo.
^ Namkha “ithando lakhe elithembekileko.”
^ Namkha “ithando lakho elithembekileko.”
