Izaga 29:1-27
29 Umuntu oba nekani ngemva kobana akhalinywe kanengi+Uzokuphuka kungakalindeleki begodu angekhe asalapheka.+
2 Abalungileko nababanengi, abantu bayathaba,Kodwana nakubusa okhohlakeleko, abantu bayanghonghoyila.+
3 Umuntu othanda ukuhlakanipha uthabisa uyise,+Kodwana oragela phambili azihlanganisa neengwadla umotjha umnothwakhe.+
4 Ngobulungiswa ikosi inzinzisa inarha,+Kodwana umuntu ofuna ukufunjathiswa uyilethela ihlekelele.
5 Umuntu otshima umakhelwanakheUbekela iinyawo zakhe inede.+
6 Umtjhapho womuntu omumbi uyamthiya,+Kodwana olungileko urhuwelela ngethabo, athabe.+
7 Olungileko utshwenyeka ngamalungelo wabatlhagako angokomthetho,+Kodwana okhohlakeleko akatshwenyeki ngalokho.+
8 Abazikhakhazisako batjhisa idorobho,+Kodwana abahlakaniphileko babohlisa ukusilingeka.+
9 Umuntu ohlakaniphileko nakaphikisana nesidlhadlha,Isidlhadlha sizokuthaba begodu sihleke, umuntu ohlakaniphileko angekhe abe nokuthula.+
10 Abantu abomele iingazi bahloya nanyana ngubani omsulwa,+Begodu bafuna ukubulala abalungileko.*
11 Isidlhadlha sikhupha woke amazizwaso,+Kodwana ohlakaniphileko uyazibamba.+
12 Umbusi nakalalela amala,Zoke iinsebenzi zakhe zizokukhohlakala.+
13 Umuntu otlhagako nogandelelako bafana ngalokhu:
UJehova unikela amehlwabo bobabili ukukhanya.*
14 Ikosi nayahlulela abatlhagako ngokuthembeka+Isihlalo sayo sobukhosi sizokuhlala sivikelekile.+
15 Iswazi nokusola kunikela ukuhlakanipha,+Kodwana umntwana ongakhalinywako uhlazisa unina.
16 Abakhohlakeleko nabandako, umtjhapho uyanda,Kodwana abalungileko bazokubona ukuwa kwabo.+
17 Khalima indodanakho izokulethela ukuthula;Begodu izokwenza uthabe khulu.+
18 Nakunganasinqophiso esivela kuZimu abantu abalawuleki,+Kodwana bayathaba abaphetha umthetho.+
19 Isisebenzi angeze sivume ukulungiswa ngamezwi,Ngombana nanyana sizwisisa, asilaleli.+
20 Ukhe wambona umuntu okhuluma angakacabangi?+
Kunethemba ngesidlhadlha kunaye.+
21 Nange isisebenzi sitotoswa kusukela ebutjheni baso,Angeze sithokoze ngokukhamba kwesikhathi.
22 Umuntu onelaka ubanga ukulwa;+Nanyana ngubani othanda ilaka wenza imitjhapho eminengi.+
23 Ukuzikhakhazisa komuntu kuzomenza athobeke,+Kodwana nanyana ngubani onommoya othobekileko uzokufumana iphazimulo.+
24 Okhambisana nesigebengu uyazihloya.
Angabizwa bona azokufakaza kodwana angabiki litho.+
25 Ukusaba abantu kusithiyo,+Kodwana othembela kuJehova uzokuvikeleka.+
26 Abanengi bafuna ukulalelwa mbusi,*Kodwana umuntu ufumana ubulungiswa obuvela kuJehova.+
27 Umuntu onganabulungiswa uyanyenyisa kolungileko,+Kodwana loyo owenza okulungileko uyanyenyisa kokhohlakeleko.+
Imitlolo Ephasi
^ Namkha kungenzeka “Olungileko ufuna ukuvikela ukuphila kwakhe.”
^ Kutjho ukuthi ubanikela ukuphila.
^ Namkha kungenzeka “bafuna umusa wombusi.”
