To Titus 1:1-16
1 Nna Pawulo wa gore ke berekela Modimo fote ke nna lepostola la Jeso Kreste go ya ka tumelo ya bo Modimo a ba hlawodiyeng, wa gore nnete yowa ya go sipidisana le go tineyela ga Modimo ke yi tšiba gabutši,
2 fote ke ya dumela gore re nyoko kraya lephelo la go ya go yye la gore ke botala Modimo wa gore a ka sa re botse matsaka a re tshepisiye lona.
3 Mara ka nako ya gona, o makiye gore lentsu lage le tšibege mo go sabalatsiwa ditaba tsa go bafala, Modimo ye a re phonisang o nhlawodiye gore ke di sabalatse,
4 ke ngwalela Tito wa gore ke ngwana wa go loka go ya ka tso re di dumelang, ke re:
Nkare Modimo Papa wa rune le Kreste Jeso wa go re phonisa ba ka go kwela go baba fote ba maka gore o bebe.
5 Ke go šiyye hone Kereta gore o lukise dilo tsa gore a di ya dulisega, fote o hlawole bagolo polekeng ye nngwana le ye nngwana go ya ka mokgo ke go butsiyeng gore:
6 O hlawole monna wa gore aa sodiwi ka selo, wa gore o na le mosadi ka wwoši, wa gore o na le bana ba gore baa dumela, ba gore fote a ba make tsa go tšwa pateng, baa theetsela.
7 Ka gore mogolo ke lelata la Modimo, aa tshwanela go sodiwa ka selo, a sa be le tšhinghi, a sa be le sepelwapelwane, a sa kwane le go tlayila, a sa kwane le go lwa, a sa be le dipawo tsa go nyaka go hlalefetsa ba bangwana,
8 mara a yamogele divakaši, a kwane le tsa gabutši, a šupetse gore o hlalefiye, a make tsa go loka, a tshepege, a kgone go titshwara,
9 a ngangarele lentsu la go tshepega fote a be segele ga tso tsa go tšhutisa, gore a thogo tiyisa ba bangwana mo a kene a tšhutisa tsa go yagisa, fote a wolole bo ba go phigisa.
10 Ka gore go na le banna ba go tlala ba go sa theetsele, ba go bolabola tsa go sa yagisi le ba go bolabola matsaka, ka matlamatla bo ba gore ba ngangarele tso tsa go bollwa.
11 Di nyaka ba kwale melomo ya bona, ka taba la gore ke bona bo ba sinyang mitši ya batho ka go tšhutisa dilo tsa gore a yi tsona gore ba hlalefetse ba bangwana.
12 Ye mongwana wa bona wa gore ke moporofeta o yitseri: “Makereta ma na le matsaka, ma tshwana le diphoolwane tsa hlaga tsa go kwaletsana, ke batho ba go tshwata ba gore ba na le dipawo.”
13 Taba yowa ke nnete. Ka taba lone, di nyaka o dula o ba wolola gore ba dule ba ngangarele tumelo,
14 ba sa theetsele dinonwane tsa Majuda le melawo ya batho ba gore ba keketlela kgole le nnete.
15 Dilo ka mokana ga tsona di yediye ga batho ba gore ba yediye, mara a go na selo sa go yela ga bo ba gore ba thilafele fote a ba na tumelo ka gore menagano le makwalo ya bona di thilafele.
16 Ba sabalatsa gore ba tšiba Modimo mara tso ba di makang a di šupetsi ba mo tšiba, ka taba la gore baa silikisa, a ba theetsele fote a baa tshwanela go maka mmereko wo mongwana le wo mongwana wa gabutši.
