JOŠUWA o gahlana le tsa go kenana matolong. Di nyaka a yete setšhaba sa Isirayele mahlong mo ba bakiye Lefaseng lo ba Tshepisiwweng lona, ba kene ba rula ke dilo. Mara Jehova o mo tshepisa gore o nyoko hlola, a boya a mo tiyisa ka gore: ‘Šišimala fote o tiyelele. Theetsela Molawo waka. O wo bale motshegare le bošego, o ko thogo theetsela gabutši ka moka tso di ngwadiwweng ga wona. Tsotsone di nyoko maka gore o phomelele, wa boya wa šupetsa gore o hlalefiye.’—Još. 1:7, 8.

Re kene re gahlana natso le rune tsa go re phika ka ‘dinako tsowa tsa go baba go lebana natso.’ (2 Thim. 3:1) Le rune mo re ka fo latelela tso Jehova a yyeng a di botsa Jošuwa, re ko di hloleng. Re ka bala Baebele ka moka matšatši, ke mokane ra berekisa ditšhiko tsa yona ga tso di re phiriketsang.

Ba go tlala ga rune re ka sa gane gore tsa go bala a yi layini ya rune fote go bala gwa re thathafela. Mara go bala Baebele go gelepa rune ka matla, byalo lebelela lebhokisi la gore “ Leketsa Dilo Tsowa ša” gore o thogo bona tso di ka go leyelang maphomela, wa boya wa jabodisa ke go bala Baebele.

Mopisalema o yye a yepelela a re: “N’yetetse ho nkene ke sepela ke theetsele melawo yago, ka taba la gore yi njabodisa ka matla.” (Pis. 119:35) O ka jabola ka matla ho o ka fo bala Lentsu la Modimo. Yepa makolwane yane, o nyoko wunyulla tse dingwana tsa gore di nyoko go gelepa ka matla.

Wene a o yete setšhaba mahlong go tshwana le Jošuwa, mara le wene o na le tsago tso di go kenang matolong. Byalo tshwana naye ga Jošuwa, o tšhute o boye o theetsele tsotsone o di balang, di nyoko berekela wene. Mo o maka tsotsone, le wene o nyoko phomelela, wa maka dilo tsa go šupetsa gore o hlalefiye.