Ke Rune ba Jehova
“A yi go jabola ga sona setšhaba sa gore Modimo wa sona ke Jehova, batho ba gore yene mong o ba kgetiye gore go be bage.”—PIS. 33:12.
DIKOŠA: 40, 50
1. Ke ntaba Jehova a ko ba a resa mo a re dilo ka mokana ga tsona ke tsage? (Lebelela sethombhe sa ka ho kgakala.)
DILO ka mokana ga tsona ke tsa Jehova! Ke yene mong wa “magedimo, lefase le dilo ka mokana ga tsona tso di leng ga lona.” (Dot. 10:14; Kut. 4:11) Ka mokana ga rune mo re yitsa re gona ka taba la gore re makiye ke Jehova, ke rune batho bage. (Pis. 100:3) Mara go tlogisela motho a le gona, Modimo o yye a hlawola mogoba wa batho bo a yyeng a ba tseya go le bage.
2. Ke bomang ka ho Baebeleng ba gore go bolabodiwa gore ba hlawolegiye ga Jehova?
2 Mo re beyisa, mo Pisalema 135 yi bolabola ka Maisrayele ya go tshepega ya gore ke mo ma rapela Jehova ku botala yi re ke “phahlo yage ya go hlawolega.” (Pis. 135:4) Fote, puku ya Hoseya yi yye ya bolabola gore le bo go seng Maisrayele ke mo ba nyoko ba batho ba Jehova. (Hos. 2:23) Tso di porofitiyeng ke Hoseya di makegiye nakwela Jehova a tšhela le ba bangwana ba gore a yi bona Majuda gore le bona ba tle ba lawole le Kreste. (Meber. 10:45; Maroma 9:23-26) “Setšhaba sowa sa go yela” ke “phahlo [ya Jehova] ya go hlawolega” ka matla, batho ba sona ba tlotsiwwe ka moya wa go hlawolega gore ba ye phela legedimong. (1 Pet. 2:9, 10) Byalo go nyoko makega ying ka batho bo go leng Makreste ya go tshepega bo ba nyoko phelang ho lefaseng? Jehova o re le bobone ke “batho” kela “bo a ba hlawodiyeng” bage.—Jes. 65:22.
3. (a) Ba gore ba tikwisa ka go ba banghana ba Jehova ke bomang lekgono? (b) Re nyoko bolabola ka ying ga hlogotaba yowa?
3 Lekgono, go na le “morape wo monyana,” wa gore wo nyoko phela legedimong le “dinku tse dingwana” tsa gore di nyoko phela gana ho lefaseng, ka mokana ga bona ke “lešaka ka lloši” la gore Jehova o re ke batho bage. (Luka 12:32; Joh. 10:16) Ka nnete re nyaka go šupetsa Jehova gore re mo leboga ka matla ka taba la ho a re kakodiye a re beya gedimonyana. Mo ga hlogotaba yowa, re nyoko petapeta ka dilo tsa mohlobohlobo tso re ka ga di makang go šupetsa Jehova gore re leboga mo a re tseyela gedimo ka mokg’onone.
RE TINEYELA GA JEHOVA KA GO FELEGELELA
4. Ye nngwana tsela ke yifeng ya go šupetsa Jehova gore re leboga mo a re makiye banghana bage, fote Jeso yene o makiye ying tsa go tshwana le tsotsone?
4 Re šupetsa gore re leboga Jehova mo re tineyela gage ka dipelo tsa rune ka moka. Mo re kolobetsiwa ka meetši, re maka gore taba yowa yi tšibege fote re šupetsa batho gore Jehova ke yene a re lawolang fote re mmerekela re sa tšhofe ke motho. (Maheb. 12:9) Jeso le yene o makiye tsotsone nakwela a kolobetsiwa, o bolabodiye a botsa Jehova gore: “Ke nabela go maka tso di nyakang ke wene, Modimo waka.” (Pis. 40:7, 8) Jeso o yye a tineyela ga Jehova gore a make tso di nyakang ke yene le mo a golele ga setšhaba sa gore ke mo se tineyele ga Modimo.
5, 6. (a) Jehova o yitseri king mo Jeso a kolobetsiwa? (b) Šupetsa gore ke ntaba di mo jabodisa ga Jehova mo re tineyela gage, le mo dilo ka mokana ga tsona go le tsage.
5 Jehova o yitseri king mo Jeso a kolobetsiwa? Baebele yi re: “Mo Jeso a šele a kolobetsiwwe, ka nako yonone a yinuga ka ku meetšing; ye lune! magedimo ma yye ma bulega, ke mokane a bona moya wa Modimo o phologa o tla mo gage go tshwana le leba. Lebelela! Ke mokane gwa kwala lentsu ku magedimong le re: ‘Yewa ke Morwayi waka, ke mo nyaka ka matla, Ke mo tseyela gedimo.’” (Mat. 3:16, 17) Le mo yi le gore Jeso ke mo a na a tšiba ke Papage wa ku legedimong, Jehova ke mo a jabola ka matla mo a bona Morwayi wage a di nyaka go mmerekela a sa tšhofe ke motho. Le ho ga rune, Jehova o jabola ka matla mo re tineyela gage fote o nyoko re rufa a sa fetse.—Pis. 149:4.
6 Tla re fo tseya gore papa ye mongwana o neya morwediya wage lekuku. Morwediya yewa o ngathela papage lekuku lone. Anthe lekuku lowa ke mo go na go se la papage? Byalo ke ntaba a mo ngathela mara go le yene a mo neyyeng? Papa wa gore o tseya dilo gabutši a ka sa tiputsisi tsotsone. O nyoko fo le yamogela ke mokane a jabolela sepetlo so a se neyyeng ke morwediya wage. Fote sepetlo sone a se neyyeng ke morwediya se nyoko mo jabodisa ka matla, a ka sa re nke a mo neyye lekuku lone ka moka. Jehova le yene o jabola ka mokg’onone mo re tineyela gage re sa tšhofe ke motho.—Ek. 34:14.
7. Malaki o yitseri king mo a šupetsa gore Jehova o ba nyaka go segela kaye batho ba gore ba nyaka go mmerekela?
7 Bala Malaki 3:16. Mo nkare a wo soko bane o kolobetsiwa, nagana ka taba yone barena. Ke nnete gore wene, le rune ka mokana ga rune ho lefaseng, ke mo re na re le batho ba Jehova go tlogisela re belegiwwe. Nagana gore Jehova o nyoko jabola byang ho a bona gore o tseyela gedimo bogolo byage, o thomisa go tineyela gage ke mokane o maka tso yene a di nyakang. (Diy. 23:15) Jehova wa ba bona bo ba gore ba mmerekela ba sa tšhofe ke motho, o ngwala mabitso ya bona ka teng ga “puku ya segopotso.”
8, 9. Jehova o nyaka ying ga batho bo a ba ngwadiyeng ka teng ga “puku ya segopotso”?
8 Gore mabitso ya rune ma ngwadiwe ka teng ga “puku ya segopotso” ya Jehova a yi go kgana. Malaki o bolabodiye a sa jikajiki a re di nyaka re ‘hlompe Jehova re boye re ghayele ka tso di bolabolang ke lebitso lage.’ Mo re ka fo thomisa go rapela motho kela selo sa go tšiba ke rune, Jehova o nyoko re sola pukung yage ya lephelo.—Ek. 32:33; Pis. 69:28.
9 Go tineyela ga Jehova a yi go fo mo tshepisa gore re nyoko maka so a se nyakang ke mokane mo re fetsa, ra ya ra tlungwela ka ku meetšing ra kolobetsiwa. Dilo tsone a di tseye nako ya go lefa go di maka, fote di yakgoswa di feta. Mo re re ke rune batho ba go yema ka lethokong la Jehova, di nyaka re mo šupetsa re sa fetse gore re ya mo theetsela gana byalo le gore re nyoko mo theetsela le ku mahlong—mo re sa na re phela.—1 Pet. 4:1, 2.
A RE NYAKE GO NABELA TSA LEFASE LOWA
10. King sa gore di nyaka se nape se bonala ga motho wa gore o berekela Jehova le wa gore aa na taba naye?
10 Ga hlogotaba ya go fela, go bolabodiwwe ka batho ba ka Baebeleng go leng Kayine, Solomoni le Maisrayele. Ka mokana ga bona ke mo ba re bona ba rapela Jehova, mara ke mo ba sa napa ba tineyela gage ba felegelele. Ditaba tsa batho bowa di šupetsa gore ba gore ka nnete ke ba Jehova di nyaka ba yeme ka lethokong la tsa go loka ba sa thogathoge, ke mokane ba lwe le tsa go befa. (Maroma 12:9) Mo Malaki a fetsa go bolabola tsotsone, o yye a bolabola ka “puku ya segopotso,” Jehova o bolabodiye ka ‘go sa tshwane ga batho ba go loka le ba dipelo tse diphifadu, le ga motho wa go karakara ga tsa Modimo le wa gore aa na taba naye.’—Mal. 3:18.
11. Ke ntaba di nyaka le ba bangwana ba di bone gore ga Jehova re tineyele mong ka go felegelela?
11 Se sengwana so re ka ga se makang go šupetsa gore Jehova re mo leboga ka matla mo a re hlawodiye ke sowa. Rune beng re ka fo tipotsa gore re kene re ya mahlong ga tso tsa Modimo, mara di nyaka ‘batho ka mokana ga bona le bona ba di bone gabutši.’ (1 Thim. 4:15; Mat. 5:16) Tiputsise gore: ‘Ayitsano batho baa di bona gore ke ya mo tshepegela ga Jehova? Mo go thulega lešuba, nje ke ya ba botsa batho gore ke nna Hlatse ya Jehova?’ Jehova o nyoko kwa go baba ka matla mo a fetsa go re hlawola a re ke rune batho bage, mara wa kraya rune re tšeba go botsa batho gore re yemme ka lethokong lage.—Pis. 119:46; bala Mareka 8:38.
Nje maphelelo yago ma šupetsa gabutši gore ke wene Hlatse ya Jehova? (Lebelela direle 12, 13)
12, 13. Ba bangwana ba maka ying tsa gore o ka šinya o sa tshepe mo ba re ke bona Dihlatse tsa Jehova?
12 Sa go babisa pelo ke gore ba bangwana a ba yi kwisisi taba yowa ya ‘go hlawola ga batho ba go loka le ba dipelo tse diphifadu, le ga batho ba go karakara ga tsa Modimo le ba gore a ba na taba naye,’ ba kopisela “dilo tsa lefase lo.” (1 Makor. 2:12) Moya wone wo kutšetsela ke ‘tso nama ya motho yi di nabelang.’ (Maef. 2:3) Mo re fo beyisa, re butsiwwe gatleletlele gore dikobo tsa gabutši ke tsa mohlobo mang le gore re tilukise byang, mara ba bangwana ba sa fo ya mahlong ba kene ba yapara dikobo tsa go sa jabodisi fote a ba tilukisi gabutši. Ba yapara dikobo tsa go ba manya le tsa go bonabona, ba di yapara le mong ga megahlano ya Sekreste. Ba bangwana ba yekisela ka mokg’o go hlubiwang kela go makiwang meriri, tsa go napa di ro fetelela. (1 Thim. 2:9, 10) Mo ba makiye ka mokg’onone, le wene wa šitega mo ba šele ba le bathong go hlaya gore wa Jehova ke wofeng le gore ‘monghana wa lefase’ ke wofeng.—Jak. 4:4.
13 Ga tse dingwana, di gona Dihlatse tsa gore a di ya napa di lahla mokgwa wa lefase. Mo ba yye ba re baa bina mo menyanyeng, o ka šala o tšebiye o tšhaba le go hlaya gore motho yene ke Mokreste. Mo difowunung kela dithebholeteng, ba bangwana ba tšhela dithombhe tsa bona le ditaba tsa go kekema tsa gore o šale o tiputsisa gore nje yenewa o sa na a sepela le rune. Di ka makega gore a ba soko kgadiwa ka ho phutegong ya Sekreste ka taba la gore ba yye ba sinya ka matla, mara ba ka sinyetsela batho ba Jehova ba bangwana ba gore ba kene ba leketsa ka matla go titshwara gabutši.—Bala 1 Petro 2:11, 12.
O sa lesetse ba bangwana ba go tsheletsa mokgwa wa bona wa go sa yeme ba tiyelele ka ho ga Jehova
14. Senghana sa rune le Jehova se hlawolegiye, byalo di nyaka re make ying gore se sa šaše?
14 Lefase lowa le botsetsela batho ka tšhinghi gore ba ye le “tsa go nabela ke nama le tsa go nabela ke mahlo le go kganyisa tso motho a nang natso.” (1 Joh. 2:16) Mara rune, ka taba la gore ke rune ba Jehova, re butsiwa gore re “nyenye mekgwa ya go sa nyake ke Modimo le tsa go nabela ke lefase lowa fote re phele di šupetsa gore re butšwiye, re lukiye fote re felegelele ka ho ga Modimo mo re kene re phela lefaseng lowa.” (Tito 2:12) So se tšwang ka ho ganong, so re se jang kela re se nwang, mayaparelo le go tiphošonka, maberekelo—dilo ka mokana ga tsona tso re di makang—di nyaka batho ka mokana ga bona ba di bone gore ga Jehova re mo mamarele.—Bala 1 Makorente 10:31, 32.
RE “NYAKANANA KA MATLAMATLA”
15. Ke ntaba magageru bo re gahlanelang nabo di nyaka re ba tshware gabutši le go ba nyaka ka matla?
15 Di šupetsa ka mokg’o re tshwaranang le magageru ka ho phutegong gore re leboga senghana sa rune le Jehova sa go hlawolega. Le bona ke batho ba Jehova. Mo taba yonone yi ka sa re khwanyogele, re nyoko dula re tshwarana le magageru gabutši le go ba nyaka ka matla. (1 Mathes. 5:15) Jeso o butsiye bo ba mo latelelang a re: “Batho ka mokana ga bona ba nyoko di tšiba gore ke lune malata ya ka—mo lune beng le nyakanana.”—Joh. 13:35.
16. Molawo wa Moše o bolabola ka ying sa go šupetsa ka mokg’o Jehova a tikwang ka batho bage?
16 Taba ya gore re tshwanele re tshwaranane byang ka ho phutegong re ka yi tshwanisa le ye nngwana ke yowa. Dilo tso ke mo di berekisiwa ka tempeleng ya Jehova ke mo go le tsa gore ba di neyele, kela ba di hlawodiye, gore di berekisiwe ga morapelo wa mannete fela. Molawo wa Moše ke mo o hlaya gabutši gore dilo tsowa di tshwariwe byang, fote wa gore ke mo a tlola molawo, ke mo a bolayiwa. (Dip. 1:50, 51) Mo mona o makiye gore Jehova a šinye a pasopa dilo tsowa tsa gore a di phele tso ne di berekisiwa mo a rapediwa, a ka sa šitege go pasopa bo ba mo rapelang ba go tshepega ba gore ke batho bage bo a ba hlawodiyeng! Jehova o yye a botsa batho bage a re: “Ye a le šuhlašuhlang, ke setšha a ntlonya.”—Zak. 2:8.
17. King sa gore Jehova o se ‘lebelele fote o se theetsele’?
17 Sa go jabodisa ke gore Malaki o re Jehova “o re lebelele fote wa theetsela” mo batho bage ba kene ba bolabodisana. (Mal. 3:16) Jehova ka nnete “o tšiba bo go leng bage.” (2 Thim. 2:19) Tso re di makang le tso re di bolabolang o di tšiba gabutši. (Maheb. 4:13) Mo re sa tshware magageru gabutši ka ho phutegong, Jehova “o re lebelele fote wa theetsela.” Mo re yamogela divakaši, re sa konane, re tshwarana gabutši, re napa re tshepa gore Jehova le tsotsone o di lebelele.—Maheb. 13:16; 1 Pet. 4:8, 9.
“JEHOVA A KA SA BA LAHLE BATHO BAGE”
18. Re ka šupetsa ka ying gore re leboga ho Jehova a re makiye batho bage?
18 Ka nnete re di nyaka ka matla go leboga Jehova mo a re makiye batho bage. Re thogo bona gore re ya hlalefa mo re tineyela gage gore re lawole ke yene. Le ho re kene re phela le “batho ba gore menagano yowa yi kekemme fote yi phihlegiye,” re nyaka gore batho ba di bone gore “a re ya tlanyela fote re yediye, . . . re gadima go tshwana le mo go khannye llampa ho lefaseng.” (Mafil. 2:15) Re nyenya tsa go befa re sa tšebisi ke selo. (Jak. 4:7) Fote magageru ka ho phutegong re ba nyaka ka matla le go ba hlompa, re di tšiba gabutši gore le bona ke ba Jehova.—Maroma 12:10.
19. Jehova o ba rufa byang bo go leng bage?
19 Baebele yi tshepisa gore: “Jehova a ka sa ba lahle batho bage.” (Pis. 94:14) Taba yone yi napa yi ro swinelela gore le mo re ka hlakana le mathata ya mošaga mang a ka sa re lesetse ma re kutetsa. Le mong likgu le ka sa make gore Jehova a sa sa re nyaka. (Maroma 8:38, 39) “Ho re phela, re phelela Jehova, le ho re kgwa, re kgwela ga Jehova. Byalo ho re phela le ho re kgwa, ke rune ba Jehova.” (Maroma 14:8) Jehova o nyoko tla a tsosa banghana bage ba go tshepega ba gore gana byalo ba hlokofele, letšatši lone re le yemele ka mahlo ya makhubedu. (Mat. 22:32) Le gana byalo o kene wa re rufa. Baebele yi re, “A yi go jabola ga sona setšhaba sa gore Modimo wa sona ke Jehova, batho ba gore yene mong o ba kgetiye gore go be bage.”—Pis. 33:12.
