1. Ka hlago re nabela ying ka mokana ga rune, fote tse dingwana tso re di nabelang ke difeng?

O KA re king mara, mo motho wa gore wa mo tšiba fote wa mo hlompa a ka fo re o lebele lebitso lago, a boya a go botsa gore le mong go go tshwanisa doo? O ka šala o pawogiye ka go tšeba. Ka ying? Taba ke gore ye mongwana le ye mongwana ka hlago wa di nyaka go kwa a yamogelegiye. Ka mokg’o re nabelang nkare batho ba ka re tšiba ka gona a yi fo ba go nyaka go boniwa ke batho ba bangwana; re nyaka go tšibega gore ke rune bomang le gore re segelele ying.—Dip. 11:16; Job 31:6.

2, 3. Go nabela go tšibega go ka thomisa go kekema byang? (Lebelela sethombhe sa ka mo kgakala.)

² Go fo tshwana le dilo tse dingwana tso re di nabelang ka hlago, go nyaka go yamogediwa le gona go ka re pitegetsa, wa kraya re šele re nyaka go tšibega ka matla, re woka le ke go sa felegelele ga rune ho mmeleng. O ka kraya re nabela go botsa batho dilo tso di nyoko makang gore ba re thanake. Lefase lowa la Sathane le kutšetsela batho gore ba nabele go tšibega ke mokane ba lebala gore gabutšibutši re  tshwanele go thanaka le go rapela Papa wa rune wa ku legedimong, Jehova Modimo.—Kut. 4:11.

³ Nakwela Jeso a le ho lefaseng, bo ba go yeta madumedi mahlong ke mo ba tseya go tšibega ka mokg’o mongwana wa go kekema. Mo Jeso a yeletsa malata yage o yitseri: “Le pasopeneng bamangwalo ba gore ba kwana natso tsa go yinghayingha ba yapere diphuraphura, ba di nyaka ka matla tsa go tamisiwa mo ba le mmakete, ba kwana le ditulo tsa ka ku mahlong [“tsa go di phala ka moka”] dikerekeng le dipolekeng tsa go bonala ka matla, mo go jiwa ka malobana.” Mo a ya mahlong o yitseri: “Bobone ba nyoko yahlodiwa go baba ka matla.” (Luka 20:46, 47) Ka thoko, Jeso o thanakiye mosadi yela wa go tihlopegela wa gore ke mo a kgwele ke monna, nakwela a neyela ka tšheleta ye nyana, di šupa nkare ba bangwana ke mo ba sa mo yisi hlogong ka mokg’onone. (Luka 21:1-4) Di fo ba lekgwaying gore Jeso ke mo a sa tshwane le batho ka mokg’o ba tseyang go tšibega ka gona. Hlogotaba yowa yi nyoko re gelepa gore re tšibege tsa gabutši, tsa gore le Jehova Modimo o kwana natso.

4. Go tšibega go gogolo ka matla ke ga mošaga mang, fote tsotsone di maka king?

⁴ Byalo di nyaka re karakarele go tšibega ga mošaga mang? A re nyake tso tsa gore di lelekisa ke batho ba lefase lowa tsa go tšhutega, tsa dibhisinisi le tsa go tijabodisa. Re nyaka mohlobo wa go tšibega wola Pawulo a bolabodiyeng ka wona nakwela a re: “Ka taba la gore gana byalo Modimo le šele la mo tšiba kela, yema ke re, le šele le tšiba ke Modimo, ke ntaba le sologa fote le boyela ga dinabetsane tsetsela tsa go sa re selo le tsa gore di fase ka matla ke mokane le boya le nyaka go di berekela fote?” (Magal. 4:9) A di tlele ba go tlala tsa gore re ka “tšiba ke Modimo,” yene wa gore ke Kgoši ye Kgolo ka matla legedimong le lefaseng! O di nyaka ka matla tsa gore re be banghana bage ba thina-thina. Morene mongwana wa go tšhutega o hlayye gore, re “thomisa go nyaka ke yene [Modimo] ka matla.” Mo Jehova a šele a re tseya re le banghana bage, re thogo tšiba gabutši gore re phelela ying.—Mmo. 12:13, 14.

5. Re ka maka byang gore Modimo a re tšibe?

⁵ Moše ke mo a tšibega ka mokgononeng. Nakwela a rapela Jehova a kgopela gore a mo tšhutise ditsela Tsage gabutši, mo Jehova a mo fetola o yitseri: “Ke nyoko ro maka tsotsone o di kgopelang, ka taba la gore ho ke go lebelela ke kwa o njabodisa, fote ke go tšiba le ka lebitso.” (Ek. 33:12-17) Le rune ho Jehova a re tšiba gabutši, o nyoko re rufa ra šala re bafele. Mara re ka maka byang gore Jehova a re tšibe? Tsotsone di makega mo re mo rata fote re neyela maphelo ya rune gage.—Bala 1 Makorente 8:3.

6, 7. Senghana sa rune le Jehova se ka maka king gore se šaše?

⁶ Mara di nyaka gore re sa khwanyole ga senghana sowa sa rune le Papa wa rune wa legedimong. Tla re tseyeleneng ga Makreste ya Magalata yala Pawulo a ma ngwaleleng borifi, re lesetse go fo ba re kene re tihlopa ka ‘dinabetsane tsa lefase lowa tsa go sa re selo le tsa gore di fase ka matla,’ tsa go tshwana le go nyaka go tšibega. (Magal. 4:9) Makreste yane ya ku botala ma yye ma karakara ma šinya ma segela le mo ma tšibang ke Modimo. Mara Pawulo o yitseri magageru yanane maa ‘sologa ma boyela’ ga dilo tsa go sa re selo. Gabutšibutši Pawulo ke mo a re: “Le tšwa kgole ka matla, ke ntaba le boyela ga dilo tsetsela tsa botlayela, tsa go sa re selo tsela le di šiyyeng ku nthago?”

⁷ Ayitsano le rune lekgono di ka re tlela tsa go tshwana le tsotsone? Eya, di ka re tlela. Nakwela re sa thomisa go tšiba Jehova, le rune kela ke mo re tshwana le Pawulo, re thanakiwa ka matla ho lefaseng la Sathane, mara gana byalo re lesetsiye dilo tsone ka mokana ga tsona. (Bala Mafilipi 3:7, 8.) Go ka makega gore ke mo go thulegiye lešuba la gore re ye dikolo re ye tšhutela tsa mayemo, kela re yye ra gana mo ba re beya ditulong kela go ba le dibhisinisi  tsa go maka tšheleta. Ba bangwana o ka kraya gore mola re f’lo kenela tsa go yepelela, kela tsa go kgana dibholi, nke re tšibega ka matla fote re ghannye, mara dilo tsone ka mokana ga tsona re di phagele ku. (Maheb. 11:24-27) Re ko ba re sa nagane gabutši mo gana byalo re ka fo bona nkare re kganne ka nako! Sosone se ka maka gore re šinye re lelekisa tsetsela ke mo re tšiba gabutši gore ke ‘dinabetsane tsa go sa re selo le tsa gore di fase ka matla’ tsa lefase lo. *

8. Taba ya rune ya go nyaka go tšiba ke Jehova yi ka tiyisa king?

⁸ Re ka tiyisa byang taba ya rune ya go nyaka go tšiba ke Jehova, yi seng lefase lo? Gore go be ka mokgonone, di nyaka re tšibe dilo tse dikgolo ka dipedi ke tsowa. Sa mathomo ke gore Jehova wa ba tšiba ba gore ka moka matšatši ba mmerekela ka dipelo tsa go felegelela. (Bala Maheberu 6:10; 11:6) O tseyela hlogong ye mongwana le ye mongwana wa gore ke lelata lage, fote o re o ko ba “a sa loka” mo a sa tihlope ka batho bo ba mmerekelang ka go tshepega. Jehova ka moka matšatši “wa ba tšiba bo go leng bage.” (2 Thim. 2:19) “Wa mmona wa gore o maka tsa gabutši,” wa di tšiba le gore o ba ntsha byang mo ba potlomele ka teng ga hlakase.—Pis. 1:6; 2 Pet. 2:9.

9. Hlatolla tso re bonang ka tsona tsa go šupetsa gore Jehova o jabodisa ke batho bage.

⁹ Jehova go gongwana o yye a šupetsa ka mekgwa ya go makatsa gore bage wa ba tšiba. (2 Dikor. 20:20, 29) Yema re fo beyisa ka nakwela Jehova a phonisa batho bage ku ga Lewatle le Lekhubedu mo ba lelekisa ke Farawo le masole yage ya go ba le matšhika. (Ek. 14:21-30; Pis. 106:9-11) Taba yonone ke mo go le ye kgolo ka matla, le ka nthago ga 40 ya mengwaga batho ba go tlala ba go dula thina le mo yi makegiyeng gona ke mo ba sa na ba bolabola ka yona. (Još. 2:9-11) Mo le rune re ka fo gopola dilo tsa mošaga wonone tsa go šupetsa gore Jehova o re nyaka ka matla fote o na le matšhika, re nyoko kwa re tiyelela ka matla mo go kene go šutela tsetsela di hlayiwweng botala tsa go baba tsa Gogo wa Magogo! (Hezek. 38:8-12) Ka nako yonone re nyoko tla re tileboga ka matla gore re kgetiye go tšiba ke Jehova, yi seng lefase lo.

10. Di nyaka re gopole taba yifeng mo ga tsowa tsa go tšiba ke Jehova?

¹⁰ Di nyaka re tšibe taba ye nngwana fote ya bobedi ye kgolo, ya gore: Jehova wa di kgona tsa gore a re tšibe ka tsela ye nngwana ya gore le rune beng ya re makatsa. Bo ba makang tsa go bafala ka taba la gore ba nyaka go jabodisa batho ba butsiwa gore Jehova o nyoko ba takisa mahlo. Ke ntaba? Patela ya bona ba šele ba yi krayye yi lekanele ka taba la gore ba tinyakela go thanakiwa ke batho. (Bala Matewu 6:1-5.) Jeso o hlayye gore Papage o “bona le tsa makhukhung” mo ba bangwana ba sa tseyediwi gedimo mara ba kene ba maka dilo tsa go bafala. Tsotsone ka mokana ga tsona wa di bona, fote motho ye mongwana le ye mongwana wa mohlobo wonone o mo rufa ka matla. Mara Jehova ka nako tse dingwana o re rufa re sa nagana. Tla re boneneng gore o di maka byang.

11. Jehova o šupetsiye ka ying gore ga Mariya o mo tšiba gabutši?

¹¹ Mo go segela nako ya gore Morwayi wa Modimo a belegiwe ho lefaseng, Jehova o yye a hlawola ngwannyana wa gore aa soko yetsela le monna, ye ba reng ke Mariya, gore a belege ngwana yewa wa go hlawolega ka matla. Mariya ke mo a dula ga toropo ya go sa re selo ya Nazareta, ya gore ke mo yi le kgole ka matla le Jerusalema le tempele ya yona ya go bafala la go sa hlayisege. (Bala Luka 1:26-33.) Ke ntaba go kgetiwwe Mariya gore go be yene a belegang ngwanewa? Morongwa Gabariyele ke mo a mmutsiye gore ‘o jabodisiye Modimo ka matla.’ Ka nthago, mo Mariya a bolabola le lešaga  lela lage ba reng ke Elisabetha, o šupetsiye gore o tlalele ka matla ka ho ga Modimo. (Luka 1:46-55) Eya, Jehova ke botala a kene a mo lebelele ga Mariya, ke mokane a di bona gore wa tshepega, a mo neya le tso ke mo a sa di nagana.

12, 13. Nakwela Jeso a belegiwa le nakwela ba mo yisa tempeleng mo a na le 40 ya matšatši, go makamakiwwe byang gore a tšibege gabutši?

¹² Mo Mariya a šele a belegiye Jeso, a go na le ndhuna ka yyoši kela kgoši ya ku Jerusalema le Betlelehema yo Jehova a makiyeng gore yi tšibe ditaba tsowa. Badisi ba gore a ba re selo ke mo ba pasopiye dinku ku thina le dibaya tsa ka tawong ga Betlelehema, ba fo bona go nyarela barongwa. (Luka 2:8-14) Ke mokane badisi bowa ba yye ba vakašela leseya lone. (Luka 2:15-17) Di šupa Mariya le Josefa ba yye ba makala ka matla ba kene ba jabodiye mo ba bona Jeso a thanakiwa ka mokgonone! Maberekelo ya Jehova ma fapanne kgole ka matla le ya Diyabolo. Mo Sathane a roma bala ba go tšhutela dinanedi gore ba vakašele Jeso le babelegi bage, batho ka mokana ga bona ku Jerusalema ba yye ba makala mo ba kwa tsotsone tsa go belegiwa ga Jeso. (Mat. 2:3) Taba yowa ya gore go belegiwwe Jeso yi yye ya tšibega ka go yakgoswa, ya maka gore go bolayiwe dibananyana tsa go tlala tsa gore a di ya sinya selo.—Mat. 2:16.

¹³ Mo Jeso a šele a na le 40 ya matšatši, Mariya ke mo di nyaka a ye tempeleng ku Jerusalema, a ye makela Jehova sehlabelo, pata yone ke mo yi lefiye ka 9 ya dikhilomitha mo o tloga Betlelehema. (Luka 2:22-24) Mo Mariya a kene a sepela a na le Josefa le Jeso, a ka fo ba a tiputsisiye gore ayitsano moprista ye a berekang ku o nyoko bolabola ka tso Jeso a nyoko di segelelang ka motsho. Ba mo jabolele, mara ka mokg’o Mariya ne a sa naganna ka gona. Jehova o berekisiye monna wa go “loka le wa go tshepega” ye ba reng ke Simiyone, le moporofeta wa mosadi wa 84 ya mongwaga wa gore o kgwele ke monna ye ba reng ke Anna, ba napa ba hlaya gore mpakakgonthe ngwan’ene go nyoko ba Mesiya kela Kreste wa gore ke mo ba na ba mo yemele.—Luka 2:25-38.

14. Jehova o yye a rufa Mariya byang?

¹⁴ Byalo Mariya yene? Ayitsano Jehova o yye a ya mahlong a šupetsa gore o sa mo tšiba mo a kene a gudisa Morwayi wage ka go tshepega? Eya. Modimo o makiye gore ditaba ka moka tsa Mariya di ngwadiwe ka Baebeleng. Di šupa nkare Mariya ke mo a ka sa di kgone go ya le Jeso tlase le kgakala mo a kene a tšhomayela mengwaga ka meraro le sekopa. Di ka makega gore Mariya ke mo a šele a hlokofalele ke monna, byalo o yye a napa a dula ku Nazareta. Le mo a fitiye ke dilo tsa go tlala, ke mo a le gona nakwela Jeso a le thina le go kgwa. (Joh. 19:26) Mara ka nthagonyana, Mariya o yye Jerusalema a na le malata mo go šele go šutela Pentekoste, nakwela go thewoga moya wa go hlawolega. (Meber. 1:13, 14) Di šupa nkare le yene o tlotsiwwe le bala ba gore ke mo a le nabo. Mo nkare go sone, di ra gore o napiye a kraya lešuba la gore a ye phela ku legedimong a na le Jeso go ya go yye. Bona gore go tshepega go mo leyele go rufega ga mohlobo mang!

15. Nakwela Jeso a sa le ho lefaseng, Jehova o šupetsiye ka ying gore o jabodisa ke Morwayi yewa wage?

¹⁵ Jeso ke mo a sa nyake go thanaka ke bo ba go yeta madumedi kela dipolotiki mahlong ka dinako tsotsoneng. Mara di šupa nkare o yye a tiyelela ka matla mo Jehova a mo thanaka gararo, a bolabola di kwala a le gana ku legedimong. Mo Jeso a šele a kolobetsiwwe ku Nokeng ya Jorodane, Jehova o yitseri: “Yewa ke yene Morwayi waka, ye ke mo nyakang ka matla, ke mo yamogele.” (Mat. 3:17) Di šupetsa nkare Johane wa go Kolobetsa ke ye mongwana ye a kweleng mantsu yane. Mo go sa šele mongwaga ka wwoši Jeso a soko kgwa, mapostola yage ya mangwana ka mararo ma yye ma kwa Jehova a bolabolola ka Jeso a re: “Yewa ke yene Morwayi waka, ye ke mo nyakang ka matla, ke mo yamogele. Mo theetseleneng.” (Mat.  17:5) Ke mokane mo go sa šele matšatšinyana Jeso a soko kgwa, Jehova o yye a bolabola le Morwayi wage fotefote, a le gana ku legedimong.—Joh. 12:28.

16, 17. Jeso yene ke mo a sa di nagana, mara Jehova o mo rufiye byang?

¹⁶ Jeso ke mo a di tšiba tsa gore mo ba soko mmolaya ba nyoko mo maka lešidi, ba mmolabolela matsaka ya gore wa rogelelana, mara o yye a rapelela gore go sa makege tso di nyakang ke yene, go makege tso di nyakang ke Jehova. (Mat. 26:39, 42) “O tiyisele phate ya mohlopego le go tšebisiwa,” ke mo a sa nyake ka matlamatla go tšiba ke batho, ke mo a nyaka go tšiba ka matla ke Papage a ntoši. (Maheb. 12:2) Byalo Jehova o šupetsiye ka ying gore wa mo tšiba?

¹⁷ Nako tsela Jeso a sa le ho lefaseng, o hlayye gore wa di nabela go boyela nthago ga Papage gore a ye a gadime go tshwana le nakwela a sa le naye legedimong. (Joh. 17:5) A di šupetsi nkare Jeso ke mo a nyaka se sengwana sa go feta sone. Ke mo a sa yemela gore ba mo kakole nyana ba mmeye ga gore go gedimo ku legedimong. King so Jehova a se makiyeng? O yye a rufa Jeso a sa di nagana, go šupetsa gore wa mo tšiba, a mo tsosa mabitleng ke mokane a mmeya ga mayemo “ya gedimo ka matla” a boya a mo neya selo se sengwana sa gore le motho ka wwoši aa soko se kraya—go phela go ya go yye ku legedimong la gore a ka sa sa kgwa! * (Mafil. 2:9; 1 Thim. 6:16) Jeso o rufiwwe ka matla ka taba la go tshepega, go šupetsa gore wa tšibega!

18. Re ka gelepa king gore re sa lelekisane le go nyaka go thanaka ke lefase lowa?

¹⁸ Re ka gelepa king gore re sa lelekisane le go nyaka go thanaka ke lefase lowa? O dule o di tšiba tsa gore ka moka matšatši Jehova wa ma tšiba malata yage ya gore maa tshepega le gore ga go tlala o ma rufa ma sa nagana. Nje o gona ye a ka reng yene wa di tšiba gore ku mahlong re nyoko tla re rufiwa ka ying? Mara gana byalo, mo re kene re tiyisela tsa go roba le tsa go re phiriketsa, tla re sa lebaleneng gore lefase lowa le ya tiphetela, le nyoko feta le mehlobo ka mokana ga yona ya tso le tšibegang ka tsona. (1 Joh. 2:17) Papa wa rune ye a re nyakang ka matla, Jehova, ‘a yi tsona tsa gore aa loka la gore a ka šinya a lebala mmereko wa rune le ka mokg’o re šupetsiyeng gore lebitso lage re le nyaka ka matla.’ (Maheb. 6:10) Eya, nnete o nyoko šupetsa gore re ya mo jabodisa—kela le ka ditsela tso re šitang go di nagana gana byalo!