BHAYIBELE YI TŠHENTŠHA MAPHELO

Ba berekisiye Bhayibele go fetola diputsiso ka moka!

Go hlayisa Isolina Lamela

O BELEGIWWE KA: 1950

O TŠWA SPAIN: SPAIN

TSA LEPHELO: MOSADI WA GO TINEYELA GA KEREKE YA MAKHATOLIKA

TSA NAKWELA KE SA GOLA: Mo ke belegiwa, babelegi baka ke mo ba na le poleke ya go lema ga yona mutšing wa ku Galicia, ya gore yi ga lebowabodikela bya Spain. Ku gaye rune bana mo re felele ke mo re le mabala (8), nna ke le wa bone. Ke mo go jabodisa ka matla ga geru. Ka dinako tsone, ke mo di tlwayelegiye gore ku Spain, ngwana ka wweši mutšing a kene sekolo sa go tšhutela boruti. Ku gaye, go yye gwa ya nna le ba bangwana ka babedi.

Mo ke na le 13 ya mengwaga, nna le sesi waka re yye ra kena sekolo sa Makreste ku Madrid. Poleke ya gona ke mo yi sa jabodisi. Batho ba gona ke mo ba se na bonghane, ne go f’lo tlala melawo, ba dula ba rapela fote ke mo o ka sa ba bone ba tshega le motho. Ka bošego ke mo re gahlana ga kamara ye nngwana ke mokane re ghayela, le mo nkare ka dinako tse dingwana ke mo ke sa kwe selo. Ka nthago ke mo re yepelela dikoša fote re ba le monyanya wa Mass wa gore ne re rapela le go maka tse dingwana, tsowa ka moka ne re di maka ka Selathini. Ke mo ke sa kwisisi selo fote ke kwa nkare Modimo o kgole le nna. Ke mo ba sa nyake re bolabola ga sekolo sone. Le mo ke gahlana le sesi waka ke mo re fo re, “Re thanaka Mariya wa go hlawolega.” Basadi ba gore ke mo ba tineyele mone kerekeng ke mo ba re dumelela go bolabola 30 ya diminetse mo re fetsa go ja. Ke mo go sa tshwane le gaye, ga gore ne re dula re jabodiye. Ke mo ke tikwa ke le ntoši fote ke mo ke lla ka dinako tse dingwana.

Ke mo ke sa kwe ke le thina le Modimo mara ke yye ka tineyela ga kereke yone ke na le 17 ya mengwaga. Go hlaya nnete ke f’lo makela moyano mara ke mo ke tiputsisa gore ayitsano ke tsona tso Modimo a nyakang ke di maka. Basadi ba bangwana ba gore le bona ke mo ba tineyele ga kereke yowa, ke mo ba mpotsa gore motho wa gore o kamaka dilo tsa sedumedi o nyoko swa diheleng. Mara ke mo ke sa nape ke tshepa gabutši. Ke mo ke di tšiba gore Jeso ke mo a tshwaregiye ka mmereko wa go tšhomayela fote a gelepa batho, ne a sa duli thoko le batho. (Matewu 4:23-25) Mo ke na le 20 ya mengwaga, ke mo ke sa sa tšiba gore ke ntaba ke tineyele ga kereke yowa. Sa go makatsa ke gore moruti wa mosadi o mputsiye gore mo nkare ke sa kamaka gore ke ntaba ke tineyele ga kereke yowa, di nyaka ke sepele ka go yakgoswa. Ke nagana gore ke mo a tšhaba gore ke nyoko kutšetsela ba bangwana. Byalo ke yye ka sepela.

Mo ke boyela gaye, babelegi baka ke mo ba kwisisa. Mara ka taba la gore ke mo go se na mmereko mo re dulang gona, ke yye ka ya Germany, ga gore bhuti waka ye monyana ke mo a dula gona. Ke mo a le ga mogoba wa Makhomanisi ya gore ma tšwa Spain. Ke mo ke tikwa ke le gabutši mo kele gare ga batho ba gore ba lwela ba go bereka le basadi gore ba tshwariwe gabutši. Byalo ke yye ka ba Lekhomanisi ke mokane ke šadhiye le monna wa gore le yene ke Lekhomanisi. Ke mo ke tseya gore ke maka selo sa gabutši, ke neya batho dipuku tsa go bolabola ka Bokhomanisi fote ke toyatoya.

Mara mo nako yi kene yi ya, ke yye ka kgongwela ka matla. Ke mo ke kwa nkare ka dinako tse dingwana, Makhomanisi ke mo ma šitega go maka tso ba di tšhutisang. Ka mokgo ne ke tikwa ka gona go yye gwa befa ka 1971 mo ba bangwana ba mogoba wa bowa ba gore ba sa gola ba Makhomonisi ba tšhuba ofisi ya Spanish Consulate ya ku Frankfurt. Tsotsone ba di makiye ka taba la gore ke mo ba nyaka gore go loke ku Spain. Mara ke mo ke di tšiba gabutši gore tso ba di makang a yi se tsela ya gabutši ya go šupetsa gore a ba jabolele go sa tshwariwi gabutši.

Mo ngwanaka wa mathomo a belegiwa, ke yye ka botsa monnaka gore nka sa sa ya ga megahlano ya Makhomonisi. Ke yye ka kwa ke le ntoši ka taba la gore banghane baka ba botala ke mo ba sa mvakašele le go tl’le bona ngwanaka. Ke yye ka tiputsisa gore anthe re phelela ying mara? Nje di yye dya gelepa tsa go liketsa go lukisa seyemo sa lefase nakwela ke sa le ga mogoba wa Makhomonisi?

KA MOKGO BHAYIBELE YI TŠHENTŠHIYENG LEPHELO LAKA: Ka 1976, Dihlatse ka dipedi tsa go bolabola Sepaniši di yye dya kokota ga monyako wa rune fote di re neyye dikgatiso tsa go bolabola ka Bhayibele, re yye ra di tseya. Ba yye ba tla ke mokane ka ba teya ka diputsiso tsa go tshwana le gore ke ntaba re hlupega, ke ntaba batho ba mohlobo wo mongwana ba sa kwane le ba mohlobo wo mongwana le gore ke ntaba go tlele tsa go befa. Di yye dya mmakatsa mo ke bona gore ba berekisiye Bhayibele go fetola diputsiso ka moka! Ke yye ka dumela go tšhuta nabo Bhayibele.

Mathomisong ke mo ke fo jabodisa ke go tšiba dinnete, ke sa di berekisi. Dilo di yye dya tšhentšha mo nna le monnaka re ya megahlanong ya Dihlatse Tsa Jehova. Ka nako yone ke mo re na le bana ka babedi. Dihlatse Tsa Jehova ke mo di fela di re tseya ka koloyi ya tsona mo re ya megahlanong fote di re gelepa go pasopa bananyana ba rune mo re le megahlanong. Ke yye ka thomisa go kwana ka matla le Dihlatse.

Mara le mo go le ka mokgonone, ke mo ke sa tshepe dilo tsa go tlala. Ke yye ka vakašela mutši waka ku Spain. Malome waka wa gore ke mo go le moruti o yye a mpotsa gore ke sa tšhuti Bhayibele le Dihlatse. Mara Dihlatse tsa gana mone Spain di yye dya n’gelepa ka matla. Ba yye ba fetola diputsiso tsaka ba berekisa Bhayibele, go tshwana le Dihlatse tsa ku Jeremane. Ke yye ka fetsa ka gore ke nyoko ya mahlong ke tšhuta Bhayibele mo ke boyela Jeremane. Le mo monnaka yene a yye a lisetsa go tšhuta Bhayibele, mara nna ke yye ka fetsa ka gore ke nyoko tšhuta. Ka 1978, ke yye ka kolobetsa ke mokane ka ba Hlatse ya Jehova.

KA MOKGO DI N’GELEPIYENG KA GONA: Go tšiba dinnete tsa Bhayibele go n’gelepiye gore ke tšibe gore ke phelela ying. Mo ke beyisa, 1 Petro 3:1-4 yi hlohletsela basadi gore ba “tinyanafatse” ga banna ba bona, ba ba ‘hlompe ka matla’ fote ba dule ‘ba bebiye ka taba la gore tsotsone Modimo o di tseyela gedimo.’ Taba yowa yi n’gelepiye gore ke be mmane le mosadi wa gabutši.

Gana byalo go fitiye gana hala ga 35 ya mengwaga ke le Hlatse. Ke jabodisa ke gore ke berekela Jehova le magageru ya gore maa nyakanana lefaseng ka mokana ga lona fote ke jabodisa ke gore bana baka ka bane ba maka ka mokgonone le bona.