Modimo o mema batho ba mošagašaga gore ba mo rapele. (Pisalema 65:2) Mara aa theetsele, kela go kwa, dithapelo ka moka. Mo re beyisa, a ka sa theetsele dithapelo tsa monna wa go hlupa mosadi wage. (1 Petro 3:7) Fote nako yela Maisirayele ma maka dilo tsa go befa gatleletlele, Modimo o ganne go theetsela mo ba rapela. Go rapela a yi selo sa go kgana. Modimo wa di theetsela dithapelo tsa bo ba sinnyeng ka matla mo ba tisola.—Bala Jesaya 1:15; 55:7.

Lebelela vidiyo ya gore Nje Modimo o Theetsela Batho ka Mokana ga Bona mo ba Rapela?

Re tshwanele re rapele Modimo a ntoši ye a re makiyeng, Jehova. (Matewu 4:10; 6:9) Ka gore re na le sebe, re tshwanele re rapele ka lebitso la Jeso ka gore o re kgwele. (Johane 14:6) Mo re rapela, Jehova aa nyake re boyelela dithapelo tso re di tshwereng ka hlogo kela tso re di ngwadiyeng. O nyaka re rapele tsa go tšwa dipelong tsa rune.—Bala Matewu 6:7; Mafilipi 4:6, 7.

Modimo o kgona le go kwa mo re rapela re kgomolele. (1 Samuwele 1:12, 13) O nyaka re mo rapela ka nako ye nngwana le ye nngwana, go tshwana le mo re tsoga ka bošego, mo le dikela, mo re ja, le mo re gahlana le mathatha.—Bala Pisalema 55:22; Matewu 15:36.

Go šutela ga Modimo gwa thathafa ka gore batho ba go tlala ba re phelang nabo a ba dumele ga Modimo. Fote ba tewola tso a di tshepisang tsa gore o nyoko leya go beba mo lefaseng. (2 Thimothi 3:1, 4; 2 Petro 3:3, 13) Byalo re tshwanele  re dule re gahlana le bo re dumelang nabo, le bona ba re hloka ka matla.—Bala Maheberu 10:24, 25.

Go gahlana le bo ba kwanang le Modimo go re šutetsa gage ka bothina. Re ya tiyisana mo re gahlanne re le Dihlatse tsa Jehova.—Bala Maroma 1:11, 12.

O ka šutela thina le Jehova mo o naganisisa ka tso o di tšhutiyeng Lentsung lage. Fote o ka nagana ka tso a di makiyeng, tso a re yetetsang ka tsona le tso a re tshepisang tsona. Go rapela le go naganisisa go re tšhutisa go leboga re sa fetse lerato le go hlalefa ga Modimo.—Bala Jošuwa 1:8; Pisalema 1:1-3.

O ka šutela ga Modimo mo o mo tshepa fote o dumela gage. Mara tumelo yi tshwanele go pasopiwa go tshwana le selo sa go phela. O tshwanele go dula o yaga tumelo yago ka go tiputsisa so se makang gore o dumele tso o di dumelang.—Bala Matewu 4:4; Maheberu 11:1, 6.

Jehova o pasopa bo ba mo nyakang. O ba phemela ga dilo tso di ka sinyang tumelo ya bona le tso di ka makang gore ba sa sa tshepa gore ba nyoko phela go ya go yye. (Pisalema 91:1, 2, 7-10) O re phimisa ga dilo tso di ka re kwaletsang le tso di ka sa re jabodiseng. Jehova o re tšhutisa tsela ya gabutši ya go phela.—Bala Pisalema 73:27, 28; Jakobo 4:4, 8.