Psalme 102:1-28
Thapelo ya motho yo a gateletšegilego ge a fela matla e bile a botša Jehofa dilo tšeo di mo tshwenyago.
102 Ekwa thapelo ya ka hle Jehofa,Anke o kwe sello sa ka sa go kgopela thušo.
2 O se ke wa ntlogela ke nnoši ge ke wetšwe ke mathata.
Ntheetše hle,Ke kgopela o nkarabe ka pela ge ke go bitša.
3 Ka gobane bophelo bja ka bo felela bjalo ka muši,E bile marapo a ka a fiša bjalo ka ge eka a mollong.
4 Pelo ya ka e swana le bjang bjoo bo fišitšwego ke letšatši, bjoo bo ponnego,Ka gobane ke lebala go ja dijo tša ka.
5 Ke šetše ke le marapo feelaKa baka la go tlaišega* kudu.
6 Ke swana le nonyana* ya lešokaE bile ke swana le leribiši le lenyenyane leo le lego mašopeng.
7 Ga ke robale,*Ke swana le nonyana yeo e ituletšego e nnoši tlhakeng.
8 Manaba a ka a nkwera letšatši ka moka.
Batho bao ba ntirago setlaela ba rogana ba diriša leina la ka.
9 Ke ja melora tše e kego ke ja senkgwa sa ka,Gomme dino tša ka di kopane le megokgo,
10 Ka gobane o galefile e bile o befetšwe.Go bjalo ka ge eka o nkukile gore o ntahlele ka thoko.
11 Bophelo bja ka bo swana le moriti woo o hwelelago,E bile ke pona go swana le bjang.
12 Eupša wena Jehofa o dula o le gona go ya go ile,Gomme o tla dula o gopolwa melokong ka moka.
13 Ruri o tla tla gomme wa kwela Tsione bohloko,Ka gobane ke nako ya gore o e bontšhe botho,Nako yeo e beilwego e fihlile.
14 Ka gobane bahlanka ba gago ba kgahlwa ke maswika a maboto a yona,E bile ba rata le lerole la yona.
15 Ditšhaba di tla hlompha leina la Jehofa,Gomme dikgoši ka moka tša lefase tša boifa letago la gagwe.
16 Ka gobane Jehofa o tla tsošološa Tsione.O tla dira gore batho ba tsebe gore o na le matla.
17 O tla araba dithapelo tša badiidi,A ka se nyatše dithapelo tša bona.
18 Dilo tše di ngwaletšwe moloko wo o sa tlago,E le gore batho bao ba sa tlago go belegwa ba tle ba tumiše Jah.
19 Ka gobane Jehofa o lebeletše fase a le lefelong la gagwe le lekgethwa,O lebeletše lefaseng a le magodimong,
20 Gore a kwe sello sa batho bao ba lego tronkong,Le gore a lokolle bao ba ahloletšwego lehu,
21 Gore leina la Jehofa le tsebatšwe kua TsioneLe gore a tumišwe kua Jerusalema,
22 Ge batho ba kgobokane gotee le mebušoGore ba hlankele Jehofa.
23 O dirile gore ke felelwe ke matla e sa le ka pela,A fokotša matšatši a bophelo bja ka.
24 Nna ka re: “Hle Modimo wa ka,O se ke wa fokotša matšatši a ka a bophelo pele ke tšofala,Wena yoo o phelago go ya go ile.
25 Ga e sa le o dira fantešeni ya lefase kgalekgale,Le gona magodimo ke modiro wa diatla tša gago.
26 Di tla senyega, eupša wena o tla dula o le gona.Di tla hlagala go swana le diaparo.
Go no swana le ge seaparo sa go hlagala se tšeelwa legato ke se sengwe, le tšona di tla feta gomme tša tšeelwa legato ke tše dingwe.
27 Eupša wena ga o fetoge, e bile o dula o le gona go ya go ile.
28 Bana ba bahlanka ba gago ba tla dula ba šireletšegile,Gomme ditlogolo tša bona di tla dula di šireletšegile pele ga gago.”
Mengwalo ya tlase
^ Goba, “go fegelwa.”
^ Nonyana yeo go bolelwago ka yona e bitšwa mogole.
^ Goba mohlomongwe, “Ke otile.”
