Psalme 111:1-10
111 Tumišang Jah!*
א [Aleph]
Ke tla reta Jehofa ka pelo ya ka ka mokaב [Beth]Ke le gare ga sehlopha sa baloki le gare ga phuthego.
ג [Gimel]
2 Mediro ya Jehofa ke e megolo,ד [Daleth]Bohle bao ba e ratago ba naganišiša ka yona.
ה [He]
3 Mediro ya gagwe e bontšha letago la gagwe le bogolo bja gagwe,ו [Waw]Go loka ga gagwe go dula go le gona go ya go ile.
ז [Zayin]
4 Mediro ya gagwe e makatša kudu moo e lego gore batho ba ka se e lebale.
ח [Heth]
Jehofa o a šokela e bile o kwela bohloko.
ט [Teth]
5 O fa bao ba mmoifago dijo.
י [Yod]
O tla dula a gopola kgwerano ya gagwe go ya go ile.
כ [Kaph]
6 O bontšhitše batho ba gagwe mediro ya gagwe e matlaל [Lamed]Ka go ba nea naga* ya ditšhaba tše dingwe.
מ [Mem]
7 Dilo tšeo a di dirilego di a tshepega e bile di lokile,נ [Nun]Ditaelo tša gagwe ka moka di a tshepega.
ס [Samekh]
8 Di dula di tshepega gona bjale le go ya go ile,ע [Ayin]Modimo o di dirile ka gobane o a tshepega e bile o lokile.
פ [Pe]
9 O lopolotše batho ba gagwe.
צ [Tsade]
O laetše gore kgwerano ya gagwe e be gona go ya go ile.
ק [Qoph]
Leina la gagwe ke le lekgethwa e bile le a boifiša.
ר [Resh]
10 Go boifa Jehofa ke mathomo a bohlale.
ש [Sin]
Bohle bao ba latelago ditaelo tša gagwe ba bontšha gore ba na le temogo.
ת [Taw]
O swanetše go retwa go ya go ile.
Mengwalo ya tlase
^ Goba, “Haleluya!” “Jah” ke tsela e kopana ya go bitša leina Jehofa.
^ Phetolelo ya lentšu ka lentšu e re, “bohwa.”
