Psalme 112:1-10
112 Tumišang Jah!*
א [Aleph]
Go thaba motho yo a boifago Jehofa,ב [Beth]Yoo a kgahlwago kudu ke ditaelo tša gagwe.
ג [Gimel]
2 Ditlogolo tša gagwe di tla ba matla lefaseng,ד [Daleth]Gomme moloko wa baloki o tla šegofatšwa.
ה [He]
3 Ka ntlong ya gagwe go na le dilo tše bohlokwa le mahumo,ו [Waw]Gomme go loka ga gagwe go dula go le gona go ya go ile.
ז [Zayin]
4 Go baloki o phadima bjalo ka seetša leswiswing.
ח [Heth]
O a šokela, o kwela bohloko e bile o lokile.
ט [Teth]
5 Motho yo a ratago go adima badiidi o dula a thabile.
י [Yod]
Dilo tša gagwe ka moka tšeo a di dirago, o di dira ka toka.
כ [Kaph]
6 A ka se tsoge a wele.
ל [Lamed]
Moloki o tla dula a gopolwa go ya go ile.
מ [Mem]
7 A ka se tšhošwe ke ditaba tše mpe.
נ [Nun]
Pelo ya gagwe e a tshepega e bile o ithekgile ka Jehofa.
ס [Samekh]
8 Pelo ya gagwe e ka se šikinywe, e bile ga a boife selo.ע [Ayin]Mafelelong o tla lebelela gomme a bona ge manaba a gagwe a fenywa.
פ [Pe]
9 O abile dilo tšeo a nago le tšona ka pelo ka moka. O di file badiidi.
צ [Tsade]
Dilo tše dibotse tšeo a di dirilego di tla dula di gopolwa go ya go ile.
ק [Qoph]
O tla ba matla kudu gomme motho yo mongwe le yo mongwe o tla mo hlompha.
ר [Resh]
10 Yo mobe o tla bona seo gomme a kgopišega.
ש [Shin]
O tla fela matla gomme a hwa.
ת [Taw]
Dilo tšeo batho ba babe ba di kganyogago di ka se atlege.
Mengwalo ya tlase
^ Goba, “Haleluya!” “Jah” ke tsela e kopana ya go bitša leina Jehofa.
