Psalme 126:1-6
Koša ya Maeto a go Rotoga.
126 Ge Jehofa a be a kgoboketša gape batho ba Tsione bao ba bego ba thopilwe,Re be re bona eka re a lora.
2 Ka nako yeo, re ile ra sega kudu,Gomme ra goelela re thabile.
Ka nako yeo batho ba ditšhaba tše dingwe ba ile ba botšana ba re:
“Jehofa o ba diretše dilo tše dikgolo kudu.”
3 Jehofa o re diretše dilo tše dikgolo kudu,E bile re thabile kudu.
4 Hle Jehofa, kgoboketša le batho bao re bego re thopilwe le bona,Go swana le ge pula e tlatša dinoka tšeo di bego di pšhele tša Negebe.
5 Bao ba bjalago peu ba lla,Ba tla buna ba goelela ka lethabo.
6 Yo a yago mašemongGore a yo bjala peu le ge a lla,Ruri o tla boa a goelela ka lethaboA rwele dilo tšeo a di bunnego.
