Psalme 143:1-12
Koša ya Dafida.
143 Ekwa thapelo ya ka, hle Jehofa.Ntheetše ge ke kgopela gore o nthuše.
Nkarabe ka gobane o a tshepega e bile o lokile.
2 O se ntshekiše nna mohlanka wa gago,Gobane ga go na motho yo a se nago molato pele ga gago.
3 Lenaba le a nkitimiša,Le a nkgatelela e bile le a mphenya.
Le ntirile gore ke dule lefelong la leswiswi go swana le batho bao ba hwilego kgale.
4 Ke feletšwe ke matla,Pelo ya ka e hwile bogatšu.
5 Ke gopola mehla ya kgale,Ke naganišiša ka dilo ka moka tšeo o di dirilego,Ke naganišiša ka mediro ya diatla tša gago.
6 Ke go rapela ke phurolotše diatla tša ka.Ke go letetše go swana le naga yeo e omilego ge e letetše pula. (Selah)
7 Nkarabe ka pela, hle Jehofa.Ke felelwa ke matla.
O se mphuralele,Go sego bjalo ke tla swana le batho bao ba theogelago lebitleng.
8 Mpontšhe lerato la gago le le botegago mesong,Gobane ke tshepile wena.
Mpontšhe tsela yeo ke swanetšego go sepela ka yonaKa gobane ke ithekgile ka wena.
9 Mphološe go manaba a ka hle Jehofa.
Ke kgopela gore o ntšhireletše.
10 Nthute go dira thato ya gago,Gobane o Modimo wa ka.
Wena o lokile,Anke moya wa gago o ntshepediše tseleng ya baloki.
11 Wena Jehofa, phološa bophelo bja ka e le gore leina la gago le retwe.
Mphološe go dilo tšeo di nkgatelelago ka gobane o lokile.
12 Fediša manaba a ka ka baka la lerato la gago le le botegago.Fediša bohle bao ba ntlaišago,Ka gobane ke mohlanka wa gago.
