Psalme 20:1-9
-
Go phološwa ga kgoši ye e kgethilwego ya Modimo
-
Ba bangwe ba tshepile dikariki tša bona tša ntwa, ‘eupša rena re tshepile leina la Jehofa’ (7)
-
Ditaelo tšeo di yago go mohlahli. Koša ya Dafida.
20 Anke Jehofa a arabe thapelo ya gago ge o le tlalelong.
Eka Modimo wa Jakobo a ka go šireletša ge o bitša leina la gagwe.
2 Anke a go thuše a le lefelong la gagwe le lekgethwa,Gomme a go thekge a le Tsione.
3 Anke a gopole dibego tša gago ka moka,Anke a amogele sebego sa gago sa go fišwa.* (Selah)
4 Anke a go nee dilo tšeo o di kganyogago,Anke a dire gore dilo ka moka tšeo o nyakago go di dira di atlege.
5 Re tla goeletša ka lethabo ka gobane o re phološitše,Re tla emiša maswao a phenyo gore re rete leina la Modimo wa rena.
Anke Jehofa a go fe dilo ka moka tšeo o di kgopelago.
6 Bjale gona ke a tseba gore Jehofa o phološa motlotšwa wa gagwe.
O araba thapelo ya gagwe a le lefelong la gagwe le lekgethwa kua legodimong,Ka go mo phološa ka seatla sa gagwe se matla sa le letona.
7 Ba bangwe ba tshepile dikoloi tša bona tša ntwa, mola ba bangwe ba tshepile dipere tša bona,Eupša ge e le rena re tshepile leina la Jehofa Modimo wa rena.
8 Bona bao ba ikgantšhago, ba kgopilwe gomme ba wa,Eupša rena re tsošitšwe gape gomme ra ema re tiile.
9 Hle Jehofa, phološa kgoši!
Wena o tla re araba ge re kgopela thušo.
Mengwalo ya tlase
^ Phetolelo ya lentšu ka lentšu e re, “Anke a lebelele sebego sa gago sa go fišwa e le se se nonnego.”
