Psalme 3:1-8
Koša ya Dafida ge a be a tšhaba ka baka la Abesalomo morwa wa gagwe.
3 Jehofa Modimo wa ka, ke ka baka la’ng manaba a ka e le a mantšhi?
Ke ka baka la’ng batho ba bantšhi ba elwa le nna?
2 Ba bantšhi ba bolela ka nna* ba re:
“Modimo a ka se mo phološe.” (Selah)
3 Eupša wena Jehofa, o a ntšhireletša,O dira gore batho ba ntlhomphe e bile o mpha sebete.
4 Ke tla kgopela Jehofa gore a nthuše,Gomme yena o tla nkaraba a le thabeng ya gagwe e kgethwa. (Selah)
5 Ke tla patlama gomme ka robala,E bile ke tla tsoga ke sa šireletšegile,Ka gobane Jehofa o dula a nthekga.
6 Nka se tšhošwe ke batho ba diketeketeBao ba ntikologilego gore ba lwe le nna.
7 Ke kgopela o nthuše hle Jehofa! Mphološe, hle Modimo wa ka!
Ka gobane o tla otla manaba a ka ka moka mo mohlagareng.O tla pšhatla meno a batho ba babe.
8 Jehofa, ke wena o phološago batho ba gago,
E bile o a ba šegofatša. (Selah)
Mengwalo ya tlase
^ Goba, “moya wa ka.”
