Psalme 4:1-8
Ditaelo tšeo di yago go mohlahli. Diriša diletšo tša metato. Koša ya Dafida.
4 Ge ke go bitša o nkarabe wena Modimo wa ka yo a lokilego.
Ge ke le mathateng o nthuše gore ke tšwe go ona.
Ke kgopela o nkwele bohloko gomme o kwe thapelo ya ka.
2 Lena bana ba batho, le tlo nnyatša go fihla neng?
Le tlo rata dilo tša go hloka mohola le go bolela maaka go fihla neng? (Selah)
3 Tsebang gore Jehofa o tla hlaola yo a mmotegelago.Jehofa o tla kwa thapelo ya ka.
4 Ge le kwatile, le se ke la dira sebe.
Ikhomoleleng gomme le bolele le nnoši ka dipelong tša lena le le mepeteng ya lena. (Selah)
5 Ge le direla Modimo dihlabelo le di direng ka maikemišetšo a mabotse,Gomme le tshepeng Jehofa.
6 Batho ba bantšhi ba re: “Ke mang a tlago go re fa dilo tše dibotse?”
Wena Jehofa, anke o re bontšhe botho bja gago.
7 O nthabišitše kuduGo feta batho bao ba nago le mabele a mantšhi le beine e bose.
8 Ke tla patlama ka ba ka robala ke iketlile,Gobane wena Jehofa, ke wena o nnoši o ntšhireletšago.
