Psalme 43:1-5

  • Modimo o phološa go swana le Moahlodi

    • “Romela seetša sa gago le therešo ya gago” (3)

    • “Ke ka baka la’ng ke nyamile?” (5)

    • “Letela Modimo” (5)

43  Nkahlolele, hle Modimo,Nkemelele molatong wo ke o sekago le setšhaba seo se sa botegego. Mphološe go motho yo a nago le bofora le wa go se loke.  2  Gobane o Modimo wa ka yo ke tšhabelago go yena. Ke ka baka la’ng o ntahlile? Ke ka baka la’ng ke swanetše go sepela ke nyamile lenaba la ka le ntshwere gampe?  3  Romela seetša sa gago le therešo ya gago. Anke tšona di ntlhahle.Anke di nkiše thabeng ya gago e kgethwa le taberenakeleng ya gago e kgolo.  4  Ke tla tla aletareng ya gago wena Modimo,Ka tla go wena Modimo yo a dirago gore ke thabe kudu. Ke tla go reta ka harepa, wena Modimo wa ka.  5  Ke ka baka la’ng ke nyamile? Ke ka baka la’ng ke tlaletšwe? Ke tla letela Modimo.Ke tla mo reta ka ge e le yena feela Mophološi wa ka le Modimo wa ka.

Mengwalo ya tlase

PHETOLELO YA LEFASE LE LEFSA YA MANGWALO A MAKGETHWA
Dipsalme 43
Sepedi
Bala Beibele Inthaneteng
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt