Psalme 54:1-7
-
Thapelo ya motho yo a kgopelago thušo ge a le gare ga manaba
-
“Modimo ke mothuši wa ka” (4)
-
Ditaelo tšeo di yago go mohlahli: Diriša diletšo tša metato. Maskile.* Koša ya Dafida ya nakong ya ge Batsifi ba be ba tlile go Saulo gomme ba mmotša gore: “Dafida o ikutile go rena.”
54 Wena Modimo, mphološe ka baka la leina la gago,Gomme o ntwele ka matla a gago.
2 Ekwa thapelo ya ka hle Modimo,Gomme o kwe seo ke se bolelago.
3 Gobane manaba a ka a a ntlhasela,Gomme banna ba sehlogo ba nyaka go mpolaya.
Ga ba go hlomphe wena Modimo. (Selah)
4 Bonang! Modimo ke mothuši wa ka.Jehofa o na le bao ba nthekgago.
5 Modimo o tla bušetša manaba a ka bobe bja ona.Modimo wa ka, ba fediše ka gobane o a tshepega.
6 Ke tla go direla sehlabelo ka go rata.
Wena Jehofa, ke tla reta leina la gago, gobane ke mo gobotse.
7 O mphološitše ditlalelong tša ka ka moka,Gomme ke tla bona ge manaba a ka a ewa.
Mengwalo ya tlase
^ Bona Tlhaloso ya Mantšu.
