Psalme 73:1-28
Koša ya Asafa.
73 Ruri Modimo o direla Baisiraele bao dipelo tša bona di hlwekilego, dilo tše dibotse.
2 Ge e le nna, ke nyakile ke aroga,Ke nyakile ke thelela.
3 Ka gobane ke ile ka jela batho ba babe* monaGe ke be ke bona dilo di ba sepelela gabotse.
4 Mebele ya bona e phetše gabotse.Ba hlokofala ba se ba kwa bohloko.
5 Ga ba be le mathata a go swana le a batho ba bangwe,E bile ga ba tlaišege ka mokgwa wo batho ba bangwe ba tlaišegago ka gona.
6 Ka gona ba bontšha boikgogomošo bja bona phatlalatša,E bile ba tumile ka go rata bošoro.*
7 Difahlego tša bona di nonne* e bile mahlo a bona a sobeletše.Ba na le dilo tše dintšhi go feta tšeo ba bego ba lora go ba le tšona.
8 Ba kwera ba bangwe e bile ba bolela dilo tše mpe.
Ba ikgantšhetša ba bangwe e bile ba ba tšhošetša ka gore ba tla ba gatelela.
9 Ba ikgantšha ka gobane ba ipotša gore ba phagametše batho ba bangwe tše e kego ke bona magodimo,Ba itshepelela mo lefaseng ba bolela se sengwe le se sengwe seo ba se ratago.
10 Ka gona batho ba Modimo ba arogela go bona,Ke moka ba nwa meetse a bona a mantšhi.
11 Ba re: “Go tla bjang gore Modimo a tsebe?
Na ruri yo Godimodimo o tseba dilo ka moka?”
12 Ba babe ke bona ba, bao ba dulago ba iketlile.
Ba dula ba oketša mahumo a bona.
13 Ruri ke ga lefeela ge ke hlwekišitše pelo ya kaLe ge ke hlapile diatla tša ka go bontšha gore ga ke na molato.
14 Ke be ke tlaišega letšatši ka moka,Gomme Modimo a mphošolla mesong e mengwe le e mengwe.
15 Eupša ge nkabe ke be ke boletše dilo tše,Ke be ke tla be ke radiile batho ba gagwe.
16 Ge ke be ke leka go kwešiša se,Ke be ke tshwenyega
17 Go ba go fihlela ke tsena ka sekgethweng se sekgethwa sa Modimo,Gomme ka lemoga gore ba tlo feleletša kae.
18 Ruri wena o ba bea mo go thedimošago.
Wa ba dira gore ba we gomme ba fedišwe.
19 Ruri ba fedišwa ka ponyo ya leihlo!
Ruri ba tlo tlaišega ba sa letela gomme ba hwa!
20 Wena Jehofa, o tla ba lebalaGo no swana le ge motho a tsoga a lebetše toro yeo a e lorilego,
21 Eupša pelo ya ka e be e kwele bohlokoE bile ke ekwa bohloko ka garegare ga ka,
22 Ke be ke sa kgone go nagana e bile ke sa kwešiše gore molato ke eng.Go wena ke be ke le bjalo ka phoofolo yeo e se nago tlhaologanyo.
23 Eupša gona bjale ke dula ke ithekga ka wena.O ntshwere ka seatla sa ka sa le letona.
24 O ntlhahla ka keletšo ya gago,Gomme ka morago ga moo, o tla nkamogela.
25 Ke mang yo mongwe kua magodimong yoo a ka nthušago ka ntle le wena?
Le gona ka ntle le wena, ga go na seo se nkgahlago mo lefaseng.
26 Mmele wa ka le pelo ya ka di ka felelwa ke matla,Eupša Modimo o šireletša pelo ya ka, ke leswika la ka, e bile ke Modimo wa ka go ya go ile.
27 Ruri bao ba dulelago kgole le wena, o tla ba fediša.
O tla fediša yo mongwe le yo mongwe yo a go tlogelago ka baka la go itshwara gampe.
28 Eupša ge e le nna ke holwa ke go ba kgauswi le Modimo.
Ke tšhabetše go Mmuši Morena JehofaGore ke bolele ka mediro ya gagwe ka moka.
Mengwalo ya tlase
^ Phetolelo ya lentšu ka lentšu e re, “baikgantšhi.”
^ Phetolelo ya lentšu ka lentšu e re, “Boikgogomošo bja bona bo etša pheta yeo e lego melaleng ya bona, e bile bošoro bo ba apešitše bjalo ka seaparo.”
^ Goba, “atlegile.”
