Psalme 8:1-9
Ditaelo tšeo di yago go mohlahli: Diriša molodi wa Gitithe.* Koša ya Dafida.
8 Ao Jehofa Morena wa rena, leina la gago ke le legolo kudu lefaseng ka moka.O dirile gore letago la gago e be le legolo kudu go feta magodimo!*
2 Ka baka la manaba a gago,O dirile gore bana le masea ba bolele ka matla a gagoE le gore o tswalele molomo wa lenaba le lešoro leo le go ganetšago.
3 Ge ke bona magodimo a gago, mediro ya diatla tša gago,*Ngwedi le dinaledi tšeo o di dirilego, ke ipotšiša gore:
4 Motho wa nama le madi ke’ng moo o bilego o dula o nagana ka yena?Le gona bana ba batho ke’ng ge o bile o ba hlokomela?
5 O mo file maemo a ka tlasana ga a barongwa,*Wa ba wa mo fa letago le seriti.
6 O dira gore a buše mediro ya diatla tša gago.O dira gore a laole dilo ka moka:
7 Dinku, dipudi le dikgomo,Gotee le diphoofolo tša nageng,
8 Dinonyana tša magodimong le dihlapi tša lewatleng,Le dilo ka moka tšeo di phelago mawatleng.
9 Ao Jehofa Morena wa rena, leina la gago ke le legolo kudu lefaseng ka moka!
Mengwalo ya tlase
^ Bona Tlhaloso ya Mantšu.
^ Goba mohlomongwe, “Wena yoo go anegwago ka bogolo bja gago ka godimo ga magodimo!”
^ Phetolelo ya lentšu ka lentšu e re, “mediro ya menwana ya gago.”
^ Goba, “bao ba swanago le Modimo.”
