Psalme 99:1-9
99 Jehofa bjale ke Kgoši. Anke batho ba thothomele.
O dutše sedulong sa gagwe sa bogoši godimo* ga bakerubi. Anke lefase le šikinyege.
2 Jehofa ke yo mogolo kua Tsione,E bile ke yo mogolo go feta batho ka moka.
3 Anke batho ba rete leina la gago le legoloKa gobane le a boifiša e bile ke le lekgethwa.
4 O kgoši e matla yeo e ratago toka.
O dula o dira dilo tša go loka.
O tlišeditše Jakobo toka e bile o dira gore a dule a dira dilo tša go loka.
5 Retang Jehofa Modimo wa rena le be le khuname pele ga gagwe*Gobane ke yo mokgethwa.
6 Moshe le Arone e be e le ba bangwe ba baperisita ba gagwe,Gomme Samuele e be e le yo mongwe wa bao ba bitšago leina la gagwe.
Ba be ba bitša JehofaGomme yena o be a ba araba.
7 O ile a bolela le bona a le lerung.
Ba ile ba kwa dikgopotšo tša gagwe le melao yeo a ba filego yona.
8 Wena Jehofa Modimo wa rena, o ile wa ba araba.
O ile wa ba swarela diphošo tša bona,Eupša wa ba otlela dibe tša bona.
9 Retang Jehofa Modimo wa renaGomme le khuname pele ga thaba ya gagwe e kgethwa.Gobane Jehofa Modimo wa rena ke yo mokgethwa.
