Genesi 10:1-32
10 Tše ke ditaba tša mabapi le barwa ba Noa e lego Sheme, Hama le Jafete.
Ka morago ga Meetsefula ba ile ba ba le barwa.
2 Barwa ba Jafete e be e le Gomere, Magogo, Madai, Jafane, Tubala, Mesheke le Tirase.
3 Barwa ba Gomere e be e le Ashekenase, Rifata le Togarama.
4 Barwa ba Jafane e be e le Eliasha, Tarashishi, Khithima le Dodanima.
5 Ba ke borakgolokhukhu ba batho bao ba ilego ba thoma go dula dihlakahlakeng le go phatlalala dinageng tša bona go ya ka maleme a bona, malapa a bona le ditšhaba tša bona.
6 Barwa ba Hama e be e le Kushe, Mitsiraima, Pute le Kanana.
7 Barwa ba Kushe e be e le Seba, Hafila, Sabetha, Raama le Sabatheka.
Barwa ba Raama e be e le Sheba le Dedane.
8 Kushe ya ba tatago Nimirode. Nimirode e bile wa mathomo wa go ba moetapele yo bogale mo lefaseng.
9 E be e le motsomi yo bogale wa go bolaya diphoofolo* e bile a ganetša Jehofa. Ke ka baka leo batho ba felago ba botša ba bangwe ba re: “Wena o swana le Nimirode, motsomi yo matla wa go ganetša Jehofa.”
10 Metse ya mathomo yeo Nimirode a e bušitšego e be e le Babele,* Ereke, Akadi le Kaline. Metse ye e be e le nageng ya Shineara.
11 Go tloga nageng yeo o ile a ya Asiria, ge a fihla moo o ile a aga metse ya Ninife, Rabothe-Ire, Kala,
12 le Resene yeo e bego e le magareng ga Ninife le Kala. Metse ye ka moka e bopa motse o mogolo.
13 Mitsiraima ya ba tatago Ludi, Anamime, Balehabimi, Nafatuhimi,
14 Bapatarusi, Kasaluhimi le Kafutori. Kasaluhimi ke yena yoo Bafilisita ba tšwilego go yena.
15 Morwa wa mathomo wa Kanana e be e le Sidone, gomme gwa latela Hethe,
16 Bajebusi, Baamore, Bagirigashe,
17 Bahefe, Baaraki, Basini,
18 Baarafadi, Batsemari le Bahamathi. Ka morago ga moo malapa a Bakanana a ile a phatlalala.
19 Mollwane wa naga ya Kanana o be o thoma ka Sidone go fihla ka Gerara. Gerara e kgauswi le Gatsa, le gona mollwane woo o be o fihla le Sodoma, Gomora, Adema le Tseboima. Metse ye ka moka e kgauswi le Lasha.
20 Ba e be e le barwa ba Hama go ya ka malapa a bona, maleme a bona, dinaga tša bona le ditšhaba tša bona.
21 Sheme ngwanabo Jafete le yena o ile a ba le barwa, le gona Sheme e bile rakgolokhukhu wa Ebere le barwa ba gagwe ka moka.
22 Barwa ba Sheme e be e le Elama, Asishure, Arapagashadi, Ludi le Arama.
23 Barwa ba Arama e be e le Utsi, Huli, Getere le Masha.
24 Arapagashadi ya ba tatago Shela, gomme Shela ya ba tatago Ebere.
25 Ebere o ile a ba le barwa ba babedi. Yo mongwe wa bona leina la gagwe e be e le Pelege,* ka gobane mehleng ya gagwe batho ba ile ba arogana le go phatlalala lefaseng. Leina la ngwanabo e be e le Jokotane.
26 Jokotane ya ba tatago Alamodadi, Shelefe, Hatsaramafete, Jera,
27 Hadorama, Usale, Dikela,
28 Obale, Abimaele, Sheba,
29 Ofira, Hafila le Jobaba. Ba ka moka e be e le barwa ba Jokotane.
30 Lefelo leo ba bego ba dula go lona e be e le le legolo go tloga Mesha go fihla Sefara, e lego dithabeng tša ka Bohlabela.
31 Bao e be e le barwa ba Sheme go ya ka malapa a bona, maleme a bona, dinaga tša bona le ditšhaba tša bona.
32 Malapa a e be e le a barwa ba Noa go ya ka meloko ya bona le ditšhaba tša bona. Ditšhaba ka moka tšeo di ilego tša phatlalala le lefase ka morago ga meetsefula di tšwile go bona.
