Genesi 5:1-32
5 Ye ke pego ya Adama. Letšatšing la ge Modimo a bopa Adama o mo dirile go swana le yena.
2 O bopile monna le mosadi. Ke moka letšatšing leo ba bopilwego ka lona a ba šegofatša gomme a ba bitša Batho.
3 Eitše ge Adama a phetše mengwaga e 130 (lekgolo-masometharo), a ba le morwa yo a swanago le yena, a mo reela leina la Sethe.
4 Ka morago ga gore Adama e be tatago Sethe, o ile a phela mengwaga e mengwe e 800 (makgoloseswai) gomme a ba tatago barwa le barwedi.
5 Ka gona Adama o phetše mengwaga e 930 (makgolosenyane-masometharo) gomme a hlokofala.
6 Ge Sethe a na le mengwaga e 105 (lekgolo le metšo e mehlano), e bile tatago Enoshe.
7 Ka morago ga gore Sethe e be tatago Enoshe, o ile a phela mengwaga e mengwe e 807 (makgoloseswai-šupa) gomme a ba tatago barwa le barwedi.
8 Ka gona Sethe o phetše mengwaga e 912 (makgolosenyane-lesomepedi) gomme a hlokofala.
9 Ge Enoshe a na le mengwaga e 90, e bile tatago Kenane.
10 Ka morago ga gore Enoshe e be tatago Kenane, o ile a phela mengwaga e mengwe e 815 (makgoloseswai-lesomehlano) gomme a ba tatago barwa le barwedi.
11 Ka gona Enoshe o phetše mengwaga e 905 (makgolosenyane-hlano) gomme a hlokofala.
12 Eitše ge Kenane a na le mengwaga e 70, a ba tatago Mahalalele.
13 Ka morago ga gore Kenane e be tatago Mahalalele, o ile a phela mengwaga e mengwe e 840 (makgoloseswai-masomenne) gomme a ba tatago barwa le barwedi.
14 Ka gona Kenane o phetše mengwaga e 910 (makgolosenyane le lesome) gomme a hlokofala.
15 Ge Mahalalele a na le mengwaga e 65, e bile tatago Jarede.
16 Ka morago ga gore Mahalalele e be tatago Jarede, o ile a phela mengwaga e mengwe e 830 (makgoloseswai-masometharo) gomme a ba tatago barwa le barwedi.
17 Ka gona Mahalalele o phetše mengwaga e 895 (makgoloseswai-masomesenyane-hlano) gomme a hlokofala.
18 Ge Jarede a na le mengwaga e 162 (lekgolo-masometshela-pedi), e bile tatago Henoge.
19 Ka morago ga gore Jarede e be tatago Henoge, o ile a phela mengwaga e mengwe e 800 (makgoloseswai) gomme a ba tatago barwa le barwedi.
20 Ka gona Jarede o phetše mengwaga e 962 (makgolosenyane-masometshela-pedi) gomme a hlokofala.
21 Ge Henoge a na le mengwaga e 65, e bile tatago Methusela.
22 Ka morago ga gore Henoge e be tatago Methusela, o ile a tšwela pele a sepela le Modimo wa nnete* mengwaga e 300 (makgolotharo) gomme a ba tatago barwa le barwedi.
23 Ka gona Henoge o phetše mengwaga e 365 (makgolotharo-masometshela-hlano).
24 Henoge a tšwela pele a sepela le Modimo wa nnete. Ke moka a se sa hlwa a eba gona, ka ge Modimo a mo tšere.
25 Ge Methusela a na le mengwaga e 187 (lekgolo-masomeseswai-šupa), e bile tatago Lamege.
26 Ka morago ga gore Methusela e be tatago Lamege, o ile a phela mengwaga e mengwe e 782 (makgološupa-masomeseswai-pedi) gomme a ba tatago barwa le barwedi.
27 Ka gona Methusela o phetše mengwaga e 969 (makgolosenyane-masometshela-senyane) gomme a hlokofala.
28 Ge Lamege a na le mengwaga e 182 (lekgolo-masomeseswai-pedi), o ile a ba le morwa.
29 O ile a mo reela leina la Noa, a re: “Yo ke yena yo a tlago go re homotša bohlokong bjo re bo kwago le go šoma ka thata ka baka la mobu woo Jehofa a o rogakilego.”
30 Ka morago ga gore Lamege e be tatago Noa, o ile a phela mengwaga e mengwe e 595 (makgolohlano-masomesenyane-hlano) gomme a ba tatago barwa le barwedi.
31 Ka gona Lamege o phetše mengwaga e 777 (makgološupa-masomešupa-šupa) gomme a hlokofala.
32 Ka morago ga ge Noa a phetše mengwaga e 500 (makgolohlano), o ile a ba tatago Sheme, Hama le Jafete.
Mengwalo ya tlase
^ Goba “a ekwa Modimo wa nnete.”
