NA LE HLAMILWE?
Letlalo la Noga
KA GE di se na maoto, dinoga di swanetše go ba le letlalo le le tiilego gore di kgone go kgotlelela kgohlano e bago gona ge di gagaba. Mehuta e mengwe e namela dikutu tša dihlare tša makgwakgwa, mola e mengwe e ikepela santeng ya lekgwara. Ke’ng seo se dirago gore letlalo la noga e be le tiilego ka tsela ye?
Ela hloko: Matlalo a dinoga a fapafapana ka bokoto le sebopego go ya ka mehuta ya tšona. Lega go le bjalo, matlalo a dinoga a swana ka selo se tee: A tiile ka ntle gomme a thoma go ba boleta go ya ka gare. Seo se di hola ka’ng? Monyakišiši yo mongwe yo a bitšwago Marie-Christin Klein o re: “Selo seo se tiilego ka ntle gomme sa ba boleta ka gare se kgona go tšweletša matla ao a kgonago go akaretša lefelo le legolo.” Sebopego sa moswananoši sa letlalo la noga se dira gore mmele wa yona o kgone go gagaba fase, gomme ka nako e swanago, se tšweletša matla ao a dirago gore e se ke ya ngapega ge e feta maswikeng ao a nago le dintlhana. Go bohlokwa gore letlalo la noga e be le tiilego, ka ge gantši dinoga di apola matlalo a tšona dikgwedi tše dingwe le tše dingwe tše pedi go ya go tše tharo.
Didirišwa tšeo di nago le letlalo la noga di ka šomišwa go tša kalafo—ka mohlala, ge go tšweletšwa ditho tša maitirelo tše di sa thelelego le tšeo di lego thatanyana. Gape, metšhene yeo e nago le mapanta ao a ekišetšago sebopego sa letlalo la noga e ka tšhelwa diela tše sego kae tšeo di bakago tšhilafalo.
O nagana’ng? Na letlalo la noga le bile gona ka tlhagelelo? Goba na le hlamilwe?
You May Also Like
PHAFOGA!
Sebopego sa Dikgapetla tša ka Lewatleng
Sebopego le kagego tša dikgapetla tša ka lewatleng di šireletša dikgopa tšeo di dulago ka gare ga tšona.
PHAFOGA!
Mmala o Motalalerata wa Thokolo
Go na le thokolo e nago le mmala o tseneletšego o motalalerata wo o sa kago wa bonwa seenyweng. Lega go le bjalo, thokolo ye ga e na seela se setalalerata. Bjale mmala wa thokolo ye o motalalerata o tšwa kae?
PHAFOGA!
Boya bja Otter ya ka Lewatleng
Diamuši tše dingwe tšeo di phelago ka meetseng ao a tonyago di thušwa ke makhura a mantši ka tlase ga matlalo a tšona gore di dule di ruthetše. Otter ya ka lewatleng e diriša mokgwa o fapanego gore e dule e ruthetše.
PHAFOGA!
Mokgwa wa Nose wa go Kotama
Ke eng seo se dirago gore mokgwa wo e be wo o ka latelwago ge go hlangwa motšhene wa go laola diroboto tša go fofa?
PHAFOGA!
Sešireletšaphišo sa Tšhošwane ya Sahara ya Mmala wa Silifera
Khunkhwane ye ke e nngwe ya diphoofotšwana tšeo di tsebjago tša nageng tšeo di kgonago go kgotlelela phišo. Ke eng seo se dirago gore e kgone go kgotlelela phišo yeo e tseneletšego?
PHAFOGA!
Ditlhale tša Kgopa ya ka Lewatleng
Dikgopa tša ka lewatleng di itshwareletša ka ditlhale. Go kwešiša kamoo ditlhale di šomago ka gona go ka re thuša go hlama mekgwa e mekaone ya go kgomaretša dilo meagong goba mešifa marapong.
