Go Nyaka Dilo tše di Oketšegilego

“Ge e ba re dula re nyaka dilo tše di oketšegilego, re ka se tsoge re kgotsofetše.”—Pego ya Mokgatlo wa Worldwatch.

“RE NYAKA eng? Dilo tšohle. Re di nyaka neng? Gona bjale.” Polelwana ye e be e tumile maga- reng ga barutwana ba bangwe ba kholetšheng ka bo-1960. Lehono, mantšu a a ka no se kwewe a bolelwa ka go lebanya, eupša kgopolo ya motheo e sa dutše e le gona. Ka kgonthe, go nyaka dilo tše di oketše- gilego go bonagala e le leswao leo le hlaolago mehla ya rena.

Go ba bantši, go nyaka go huma le go ba le dilo tše di bonagalago e bile dilo tšeo di tlago pele maphelong a bona. Jimmy Carter, yo e kilego ya ba Mopresidente wa United States o ile a bolela gore: “Batho ga ba sa hlwa ba tsebja ka seo ba se dirago eupša ba tsebja ka seo ba nago le sona.” Na go na le dilo tša bohlokwa kudu go feta dilo tšeo re nago le tšona? Ge e ba go le bjalo, ke dife, gona di tla re hola bjang?