Bakeng sa Bafsa ba Rena

Monna yo a Bego a E-na le Tumelo Dikholofetšong tša Modimo

Ditaelo: Dira mošomo wo lefelong le le homotšego. Ge o dutše o bala mangwalo, ipone o le karolo ya tiragalo yeo. Bona tiragalo. E-kwa mantšu. Ikwe kamoo baanegwa-thwadi ba ikwago ka gona.

SEKA-SEKA TIRAGALO YE.—BALA GENESI 12:1-4; 18:1-15; 21:1-5; 22:15-18.

Hlalosa kamoo Aborahama a ka bago a ile a ikwa ka gona ge a be a e-kwa kholofetšo ya Modimo ya gore e be e tla ba rakgolokhukhu wa “peu” yeo e tlago go hola lefase ka moka.

․․․․․

O bona eka baeng ba bararo bao go bolelwago ka bona go Genesi 18:2 ba be ba bogega bjang?

․․․․․

O akanya gore tiragalo yeo e hlalositšwego go Genesi 18:6-8 e be e le bjang? (Gopola gore Aborahama o be a le kgaufsi le go fihlelela nywaga e 100 ka nako yeo.)

․․․․․

NYAKIŠIŠA.

Go fetile nako e kae go tloga ge Jehofa a holofetša Aborahama morwa go fihla ge Isaka a belegwa? (Bala gape Genesi 12:4 le 21:5.)

․․․․․

Ke dikgonthišetšo dife tšeo Jehofa a di filego Aborahama nakong ya ge a be a letetše gore dikholofetšo tšeo di phethagale? (Bala Genesi 12:7; 13:14-17; 15: 1-5, 12-21; 17: 1, 2, 7, 8, 15, 16.)

․․․․․

Ke’ng seo Jehofa a se diretšego Aborahama nakong ya ge Aborahama a bontšha go se kgonthišege gore o be a tla ba le morwa? (Bala gape Genesi 15: 3-5, 12-21.)

․․․․․

Jehofa o ile a utolla bjang ditaba ganyenyane-ganyenyane mabapi le “peu”?

․․․․․

DIRIŠA SEO O ITHUTILEGO SONA. NGWALA SEO O ITHUTILEGO SONA KA . . .

Go nyakega ga go ba le tumelo dikholofetšong tša Modimo.

․․․․․

Kamoo Jehofa ganyenyane-ganyenyane a utollago thato ya gagwe.

․․․․․

KE KAROLO EFE YA PEGO YE YEO O HWEDITŠEGO E LE E HOLAGO KUDU, GOMME KA BAKA LA’NG?

․․․․․