MOROKAMI No. 3 2017 | Banamedi ba Bane ba Dipere—Go Kata ga Dipere tša Bona go go Kgoma Bjang?
O NAGANA’NG?
Go kata ga dipere tša banamedi ba bane tša Kutollo ke e nngwe ya ditiragalo tšeo di tsebegago kudu ka pukung ya Kutollo. Ba bangwe ba tšhošwa ke tiragalo ye. Ba bangwe e a ba kgahla. Ela hloko seo Beibele e se bolelago ka diporofeto tše bjalo, ge e re:
“Go thaba yo a balago ka go hlaboša le bao ba kwago mantšu a boporofeta bjo.”—Kutollo 1:3.
Makasine wo wa Morokami o hlalosa kamoo go kata ga banamedi ba bane ba dipere go ka bolelago ditaba tše dibotse go rena.
TABA YA LETLAKALA LA KA NTLE
Banamedi ba Bane ba Dipere ba go Kgoma Bjang?
Dipere tše nne—e tšhweu, e khwibidu, e ntsho le e tshehla. Go kata ga dipere tša banamedi ba ke e nngwe ya ditiragalo tšeo di tsebegago kudu tša Kutollo.
TABA YA LETLAKALA LA KA NTLE
Banamedi ba Bane ba Dipere—Ke Bomang?
Bona kamoo o ka hwetšago seo se bolelwago ke pono ye.
Karolwana e Nngwe ya Bohlatse
O ka no ba o sa tsebe gore Tattenai e be e le mang, fela dilo tšeo di hweditšwego ke baepi ba marope tšeo di bolelago ka yena di nea bohlatse bjo bogolo.
BEIBELE E FETOŠA MAPHELO
Ke be ke Rata Baseball go Feta Dilo ka Moka!
Samuel Hamilton o be a nweletše dipapading, eupša go ithuta Beibele go ile gwa fetoša bophelo bja gagwe.
EKIŠA TUMELO YA BONA
“O Mosadi wa Ponagalo e Botse”
Kua Egipita, dikgošana tša Farao di bona kamoo Sara a lego botse ka mo go makatšago. Seo se diregago ka morago se ka go makatša.
Beibele E Re’ng?
Na Modimo o rata batho ba bangwe go feta ba bangwe? Na batho ba bangwe ba šegofaditšwe mola ba bangwe ba rogakilwe??
Dihlogo tše Dingwe tša Inthaneteng
Puku ya Kutollo—Ke Eng Seo e se Bolelago?
Puku ye ka boyona e re bao ba e balago, ba e kwešiša le go diriša seo e se bolelago ba tla thabišwa ke go dira bjalo.
