Mehlala ya batho ba ka Beibeleng yeo e ka go thušago:

• Ge 24:​1-4, 7—Aborahama yo a tšofetšego o ikemišetša go nyakela morwa wa gagwe Isaka mosadi gare ga batho bao ba hlankelago Jehofa e sego gare ga Bakanana bao ba rapelago medimo e mengwe

• Ge 28:​1-4—Isaka o laela morwa wa gagwe Jakobo gore a nyake mosadi gare ga batho bao ba hlankelago Jehofa, e sego gare ga Bakanana

Mehlala ya batho ba ka Beibeleng yeo e ka go thušago:

• 1Dik 11:​1-6, 9-11—Jehofa o galefela Kgoši Solomone ka ge a sa kwe molao wa gagwe wa gore Baisiraele ba se nyale basadi bašele. Le gona o mo galefela ka ge a ile a dumelela basadi bao gore ba aroše pelo ya gagwe

• Neh 13:​23-27—Go no swana le Jehofa, Mmuši Nehemia o a galefa ge banna ba Baisiraele ba nyala basadi bašele bao ba sa hlankelego Jehofa, ka gona o laya banna bao le go ba phošolla

Mehlala ya batho ba ka Beibeleng yeo e ka go thušago:

• 1Sa 25:​2, 3, 14-17—Nabala ke monna wa mohumi, eupša o bogale e bile a na le mekgwa e mebe. Ka gona o be a sa swanelwe ke go ba monna wa Abigaile

• Die 21:9—Ge re ka se kgethe gabotse motho yoo re tlago go nyalana le yena, re ka feleletša re se ra thaba e bile re se na khutšo

• Rom 7:2—Moapostola Paulo o hlalosa gore ge mosadi a nyalwa, o tlo swanelwa ke go ikokobeletša monna wa gagwe yo a sego a phethagala. Ka baka leo, mosadi yo bohlale o ba šedi ge a kgetha monna yoo a tlago go nyalana le yena

Mehlala ya batho ba ka Beibeleng yeo e ka go thušago:

• Ge 21:​8-12—Jehofa o botša Aborahama gore a theetše Sara mosadi wa gagwe le ge a sa dumelelane le seo Sara a se bolelago

• Die 31:​10, 11, 16, 28—Monna yo a nago le mosadi wa mekgwa e mebotse yeo go bolelwago ka yona ditemaneng tše, ga a laole mosadi wa gagwe e bile ga a dule a nyaka diphošo go mosadi wa gagwe. Go e na le moo o a mo tshepa e bile o dula a mo reta

• Ef 5:33—Moapostola Paulo o hlalosa gore mosadi o nyaka go ikwa a ratwa ke monna wa gagwe

Mehlala ya batho ba ka Beibeleng yeo e ka go thušago:

• Die 1:8; 1Ko 7:4—Jehofa o file mosadi yo a nyetšwego goba mosadi yo a nago le bana matla ao a lekanyeditšwego a bolaodi ka lapeng

• 1Ko 11:3—Moapostola Paulo o hlalosa gore go ya ka thulaganyo ya Jehofa, motho yo mongwe le yo mongwe o na le hlogo ka ntle le Modimo Ramatlaohle

• Heb 13:​7, 17—Ka phuthegong, banna le basadi ba swanetše go ikokobeletša bao ba etelelago pele le go ba kwa

Mehlala ya batho ba ka Beibeleng yeo e ka go thušago:

• Ge 18:12; 1Pe 3:​5, 6—Sara o be a hlompha monna wa gagwe kudu e bile ka pelong ya gagwe a mo lebelela e le “morena” wa gagwe, goba monna yo a hlokomelago lapa ka tsela yeo Modimo a e nyakago

Mehlala ya batho ba ka Beibeleng yeo e ka go thušago:

• Die 24:27—Pele monna a nyala goba mohlomongwe a e ba le bana, o swanetše go šoma ka thata e le gore a tle a kgone go hlokomela lapa

Mehlala ya batho ba ka Beibeleng yeo e ka go thušago:

• Ru 2:​4-7, 10-12—Boase o ithuta gore Ruthe ke motho wa mohuta mang ka go lebelela tsela yeo a šomago ka yona, ka go kwa kamoo batho ba go botega ba mo hlalosago ka gona, ka go bona kamoo a dirišanago le Naomi ka gona le kamoo a ratago Jehofa

• Ru 2:​8, 9, 20—Ruthe o ithuta gore Boase ke motho wa mohuta mang gomme o lemoga gore Boase o swara batho ba bangwe ka botho, o rata go nea e bile o rata Jehofa

Mehlala ya batho ba ka Beibeleng yeo e ka go thušago:

• Die 5:​18, 19—Mekgwa e mengwe ya go bontšhana lerato ke ya batho bao ba nyalanego feela

•  Sef 1:2; 2:6—Ge mošemane wa modiši le ngwanenyana wa Moshulami ba ratana, ba bontšhana lerato ka tsela ya maleba, e sego ka tsela ya go bontšhana kganyogo e sa hlwekago, yeo e ka lebišago boitshwarong bjo bo gobogilego bja thobalano

• Sef 4:12; 8:​8-10—Ngwanenyana wa Moshulami o dula a hlwekile e bile a itshwere gabotse. Ka baka leo o swana le serapa se se ageleditšwego