KOPELO 111
Mabaka a Rena a go Thaba
-
1. Mabaka a gore re thabe
Ruri a a oketšega.
Batho ba lefaseng ka moka
Ba tla ka phuthegong ya Jah.
Dipelong rena re thabile,
Re holwa ke Lentšu la Jah.
Re ithuta lona ka mehla,
Tumelo e ba e matla.
Lethabo e ba le legolo,
Pelong le etša magala.
Le ge re welwa ke mathata,
Ka Jah re a kgotlelela.
(KHORASE)
Re thabišwa ke Jehofa
Le dika tšohle tša gagwe.
Re kgahlwa ke mediro ya gagwe.
O tletše botho le matla!
-
2. Re thabela tlholo ya gagwe
Lefaseng le legodimong.
Re e bona pukung ya tlholo,
Ke e makatšago kudu.
Re ruta batho ka lethabo
Ka ga go hlongwa ga Mmušo
Le ditšhegofatšo tša wona,
Re di botša batho bohle.
E tla ba nako ya lethabo
Ya ge letšatši le hlaba.
Re tlo phela paradeiseng
Ka tlase ga pušo ya Jah.
(KHORASE)
Re thabišwa ke Jehofa
Le dika tšohle tša gagwe.
Re kgahlwa ke mediro ya gagwe.
O tletše botho le matla!
(Bona le Doit. 16:15; Jes. 12:6; Joh. 15:11.)
