KOPELO 91
Boitapišo bja Rena bjo Lerato
-
1. Jah re a go rapela
Go tšwa pelong letšatšing le.
Re leboga kudu
Ka ge o re amogela!
O a re šegofatša,
Re feditše moago wo
Ka thušo ya gago.
Bjale re a leboga Jah.
(KHORASE)
Jehofa e bile tokelo
Go go agela moago.
Re tla dula re go hlankela mehla yohle,
Re go tumiše ka tšohle.
-
2. Ka kgonthe re a thaba,
Re fetogile bagwera.
Anke dinako tše
Re di gopole ka mehla!
Ge re be re šoma mo,
Re bone thušo ya gago.
Re reta leina la gago
Wena Modimo!
(KHORASE)
Jehofa e bile tokelo
Go go agela moago.
Re tla dula re go hlankela mehla yohle,
Re go tumiše ka tšohle.
(Bona le Ps. 116:1; 147:1; Baroma 15:6.)
