MAHUMO AO A LEGO KA LENTŠUNG LA MODIMO
Go se Fele Pelo ga Jehofa go na le mo go Felelago Gona
Jehofa o ile a dumelela gore Asiria e fenye Isiraele (2Dik 17:5, 6; it-2-E 908 ¶5)
Jehofa o ile a kgalemela batho ba gagwe ka ge ba be ba dula ba dira dilo tšeo di mo šišimišago (2Dik 17:9-12; it-1-E 414-415)
Jehofa o be a sa felele Baisiraele pelo, e bile o be a ba lemoša diphošo tša bona gantši (2Dik 17:13, 14)
Tatago rena wa legodimong ga a re felele pelo ka ge a tseba gore ga se ra phethagala. (2Pe 3:9) E le gore Jehofa a kgone go phetha thato ya gagwe, o tlo fediša ba babe e se kgale. Go tseba se go re thuša bjang go theetša ge re kgalemelwa, le go bolela ditaba tše dibotse ka mafolofolo?
