Dííshjı̨́ı̨di Háísh Éí Jiihóvah Íinízinii Yikʼeh Ádaanííł?

Jiihóvah Yá Dahalneʼé kéyah dah naaznilgóó kéédahatʼı̨́. Éí daʼníłtsʼą́ą́dę́ę́ʼ dadineʼé dóó ałʼąą ádaatʼéego bibee ádaʼoolʼįįł dahólǫ́ǫgo dah yikah. Díí daʼníłtsʼą́ą́dę́ę́ʼ daʼéeldéhígíí haʼátʼíísh binahjįʼ ahiʼdiildeeʼ?

Haʼátʼíísh Éí God Íinízinii Átʼé?

God íinízinii nihookáaʼgi ííshjání ádoolnííł nízin. Haʼátʼíísh éí God íinízinii átʼé dóó háísh éí dííshjı̨́įdi yee ndaʼnitin?

LESSON 1

Jiihóvah Yá Dahalneʼé Háádę́ę́ʼ Diné Deiyíkááhígíí Ádaatʼı̨́?

Díkwíishąʼ Jiihóvah Yá Dahalneʼé béédahonísin? Háísh íiyisíí ádeitʼínígíí bee nihééhonísin?

LESSON 2

Haʼátʼíísh Biniyé Jiihóvah Yá Dahalneʼé Bee Danihiʼdójí?

Táaʼgo biniyé díí bee ádaʼdííníijíhígíí baa nitsíníkees.

LESSON 3

Haash Yitʼéego Diyin God Bizaad Biiʼdę́ę́ʼ Tʼááʼaaníinii Bikʼínáʼneeztą́ą́ʼ?

Haash yitʼéego Diyin God Bizaad tʼááʼaaníinii yee naʼnitinígíí hazhóʼó bikʼidaʼdidiitı̨́ı̨́ł?

LESSON 4

Haʼátʼíísh Biniyé New World Translation Ádeiilyaa?

Haʼátʼíísh biniinaa díí New World Translation ályaaígíí agháahdi yáʼátʼééh?

LESSON 5

Haʼátʼíishąʼ Áłah Nídeidleehgi Baa Ákodíníízįįł?

Diyin God Bizaad bídahwiilʼaah dóó ałhee daniildzilgo áłká anéiijah. Ákweʼé yah anájahígíí baa ádahwiinítʼı̨́įgo wóshdę́ę́ʼ dandidooniił!

LESSON 6

Bił Daʼiiniidlánígíí Bił Ałhínéiikahgo Haash Yitʼéego Nihíká Análwoʼ?

God Bizaad éí bił daʼiinohdlánígíí bił ałhínáahkah nihił ní. Díí átʼéego ałhínáahkahgo haitʼéego nihíká adoolwołgi bídahoołʼaah.

LESSON 7

Áłah Nídeidleehígíí Haash Yitʼéego Ándaʼiilʼįįh?

Áłah nídaʼiidleehígíí łah daaísh haa lá yitʼéego ándaʼiilʼįįh nínízin łeh? Áłah nídeidleehgi nihaa yííníyáago, Diyin God Bizaad yáʼátʼéehgo baa íhoołʼaahígíí nił nizhónígo baa nitsíníkees doo.

LESSON 8

Haʼátʼíísh Biniyé Áłah Nídeidleehígíí Hazhóʼó Bá Háádadiitʼįįh?

Nihi ééʼ bee háádadiitʼįįhígíísh God bił nílı̨́įgo yaa nitsíkees? Diyin God Bizaad bikʼehgo oodááłígíí binahjįʼ háádadiitʼįįh dóó hashtʼeʼ inídaʼdiilʼįįhígíí bíhoołʼaah.

LESSON 9

Haash Yitʼéego Áłah Néiidleehígíí Tʼah Bítséedi Nídaʼíiltah Doo?

Áłah nádleehgi biniyé tʼah bítséedi náʼííníłtahgo ląʼígóó bíhwiidííłʼáałgi yee níká análwoʼ doo.

LESSON 10

Dahooghangi Jiihóvah Bá Náhootʼaahígíí Haʼátʼíísh Átʼé?

Díí átʼéego bá náhootʼaahígíí éí God bił áhą́dígo bił ídlı̨́įgi yee áká análwoʼ dóó haghan hazʼą́ągi hazhóʼó ahéédahojilzįįhgi nił bééhodoozįįł..

LESSON 11

Nitsaago Áłah Nídaʼoodleełgóó Haʼátʼíísh Biniyé Ahínéiikah?

Tʼáá nináháhááh bikʼeh táadi nitsaago áłah nídeidleeh. Díí nitsaago áłah nídeidleehgi yííníyáago haash yitʼéego níká adoolwoł?

LESSON 12

God biNahatʼaʼ Baa Dahwiilneʼgo Bideiyíníilnííshígíí Haash Yitʼéego Yilwoł?

Jesus nahasdzáán bikááʼ nahojisneʼ yę́ęgi átʼéego bikʼehgo ádaʼiilʼı̨́. Haʼátʼíísh éí díí átʼéego nahaneʼígíí łaʼ ádaatʼé?

LESSON 13

Alą́ąjįʼ Nahalneʼígíí Haitʼéego Baa Haneʼ?

Łaʼ Ndahalneʼii éí nínádíziʼjįʼ 30, 50 doodaiiʼ baʼaan ahénínádaʼałkiʼgo nidahalneʼígíí bindaanish. Haʼátʼíísh binahjįʼ ákótʼéego yideiyílníísh?

LESSON 14

Alą́ąjįʼ Ndahalneʼii Haitʼéhígíí Daʼółtaʼ Bá Dahólǫ́?

God biNahatʼaʼ baa haneʼ álą́ąjįʼ ndeisʼą́ągo yideiyílníshígíí haitʼéhígíí óltaʼ bá siʼą́?

LESSON 15

Hastóí Oodlání Yá Naazíinii Áłah Nídaadleehígíí Haitʼéego Yíkáʼanídaajah?

Díí hastóí dahóyą́ągo níłchʼi diyinii yikʼeh ádaatʼé, éí áłah nídaʼadleehgi yá alą́ąjįʼ naazı̨́įgo yaa ádahalyą́. Haʼátʼíísh yee áká anídaalwoʼ?

LESSON 16

Ndaalʼaʼí Ádabiʼdiilyaaígíí Haʼátʼíísh Bindaanish?

Ndaalʼaʼí ádabiʼdiilyaaígíí éí áłah náʼádleehgi áká anídaajahgo nizhónígo yilwoł. Áká anídaajahgo bindaanishígíí haitʼéego tʼáá ałtso nídaakahígíí yaa ádahalyánígi nił bééhodoozįįł.

LESSON 17

Circuit Overseer Daolyéhígíí Haitʼéego Nihíká Anídaalwoʼ?

Circuit Overseers Jiihóvah Yá Dahalneʼé áłah nídaadleehgóó haʼátʼíí biniyé yitah nídídááh? Nihitah nídídáahgo éí haitʼéego níká análwoʼ doo?

LESSON 18

Nihikʼisóó Bichʼįʼ Dahodiiʼnáahgo Haash Yitʼéego Bíká Anídeijah?

Nitsihodindiłgo bidahodiitʼiʼígíí bá tsxı̨́įłgo hazhóʼó hashtʼeʼádadiitʼįįh, íiyisíí choidooʼįįłgo bee adoowołígíí dóó Diyin God Bizaad bee ił chohooʼínígíí bee bíká anídeijah. Áko haitʼéego éí áká anéiijah?

LESSON 19

Háísh éí Baʼahódlíigo índa Hóyą́ągo Naalʼaʼí Nílı̨́?

Jesus éí díí yee ádee haadzííʼ, naalʼaʼí łaʼ bikʼidideeshnih éí tʼáá ahą́ą́h diyin kʼehgo anáʼáłtsoʼ doo. Díí éí haitʼéego álʼı̨́?

LESSON 20

Hastóí Alą́ąjįʼ Daʼéeʼéshígíí Dííshjı̨́įdi Haash Yitʼéego Daʼéełyeed?

Jesus daaztsą́ą́dóó bikʼijįʼ, áłchʼı̨́ı̨́dígo hastóí daʼoodlání yaa alą́ąjįʼ naazı̨́įgo dah yikahígíí dóó daalʼaadii éí hastóí alą́ąjįʼ daʼéeʼéshígíí danilı̨́įgo Oodlání áłah nídaadleehígíí yaa ádahalyą́ą́ ńtʼééʼ. Dííshjı̨́įdiísh tʼáá ákótʼé?

LESSON 21

Haʼátʼíísh éí Béthel Átʼé?

Daa Béthelgóó bá áhátʼínígíí éí Diyin God Bizaad tʼááʼaaníigo baa haneʼígíí diné yaa dahodidootsʼı̨́ı̨́ł biniyé. Béthelgi ndaalnishígíí baa íhodííłʼááł?

LESSON 22

Bitsʼádaʼoozʼaʼgóó Haʼátʼíísh Bidaʼóníísh?

Bitsʼádaʼoozʼaʼgóó daʼíníishgi hazhóʼó dahwiidiiłtsééł danízinígíí ákweʼé ndaalnishígíí łaʼ ahéébidooʼish. Nihaa díínáałgo hwiidííłtsééł!

LESSON 23

Diyin Kʼehgo Naaltsoos Ádeilneʼígíí Haash Yitʼéego Bikʼedaʼalchí dóó Bee Ataʼ Haneʼ?

700 dóó baʼaan saad ałʼąą ádaatʼéego diyin kʼehgo naaltsoos ádeilneʼ. Díísh éí haʼátʼíí biniyé yéigo bideiyíníilníísh?

LESSON 24

Daʼníłtsʼą́ą́ʼgóó Deiyíníilníshígíí Haash Yitʼéego Bikʼéniʼiilyé?

Bidaʼíníshígíí bikʼéniʼiilyéhígi, łáʼí dah yiihkahígíísh haʼátʼíí bee łahdę́ę́ʼ oodlání dah yikahígíí bił áłʼąą ániitʼé?

LESSON 25

Kingdom Hall Haʼátʼíí Biniyé dóó Haitʼéego Ádaalneʼ?

Niheʼoodląʼ binahjįʼ áłah nídeidleehgi éí haʼátʼíísh biniyé Kingdom Hall daolyé? Daa Kingdom Hall doo ayóó nidaashchʼąąʼígíí binahjįʼ áłah nídeidleehgi haitʼéego nihíká análwoʼígíí nił bééhodoozįįł.

LESSON 26

Kingdom Hall Hashtʼe Hólzingi Haash Yitʼéego Áká Anéiijah Doo?

Kingdom Hall nizhónígo hashtʼe hólzingi dóó baa áháyą́ągo éí ákweʼé hazhóʼó God bee dílzin. Haʼátʼíísh bikʼeh éʼélʼı̨́įgo Kingdom Hallgi hashtʼe hólzin?