Ląʼí diné éí God deiniidlą́, daaní. Nídeidiiłkidgo tʼáá ałʼąą átʼéego dayózhí. Łaʼ éí God tʼáá naʼníleʼdii ánihwiiʼaahii nilı̨́, diné doo ákótʼéégóó ádaʼałʼínígíí yá nihwiiʼaah, daaní. Náánáłaʼ éí tʼááłáhájįʼ ayóóʼóʼóʼníinii dóó aa neidiyiiʼaahii nilı̨́, haa shı̨́ı̨́ átʼéego ádajiłʼı̨́į ndi. Áádóó náánáłaʼ éí God nízaadi hólǫ́ éí doo nihíneedlı̨́į da. Tʼáá ałʼąą átʼéego yikʼidaʼdiitįįh. Ląʼí éí God béédahodiilzįįł doo bohónéedzą́ą da, daaní.

Tʼáásh nihá bohónéedzą́? Aooʼ, ákótʼé. Hazhóʼó God bééhodiilzįįł éí neʼiinaʼ yee níká adoolwoł. (Acts 17:​26-28) God bił áhánígo ádíínílzin doo, ląʼígo ayóóʼánóʼní dóó níká análwoʼ doo. (James 4:8) Aláahdi ílı̨́įgo, tʼáá aaníí God bił ahééhonílzingo niheʼiinaʼ doo ninítʼiʼ da doo.—John 17:3.

Haitʼéego éí God bił ahééhodíilzįįł? Łaʼda shı̨́ı̨́ tʼáá áhánígo bił ahééhosínísįįd, éí nikʼis íinilaa. Haitʼéego nikʼis silı̨́ı̨́ʼ? Áłtsé bízhiʼ bééhosínísįįd, áádóó áátʼįįłígíí, dóó bił yáʼátʼéehii índa doo bił yáʼátʼéehii, haʼátʼíí shı̨́ı̨́ áyiilaaígíí dóó íidoolíłígíí. Díí baa ákoninizı̨́įʼgo binahjįʼ nikʼis íinilaa.

Tʼáá ákótʼéego, God bił ahééhodíilzįįł. Díí łaʼ baa chʼíhootʼánígíí baa nídadíitʼįįł:

• DIYIN ÉÍ HAʼÁTʼÍÍ BÍZHIʼ?

• ÉÍ ÁTʼÉHÍGI HAITʼÉ?

• DIYIN GOD HAʼÁTʼÍÍSH ÁYIILAA?

• HAASH YITʼÉEGO HÁ HODIDOODLÍÍŁ?

• HAITʼÉEGO NÍKÁ ADOOLWOŁ?

Díí naaltsoos nihá ályaaígíí nihíká adoolwoł Diyin Bizaad naʼídíkidígíí éí nihił hodoolnih. Díí baa dahaneʼígíí éí níká adoolwoł bitsʼą́ą́dóó bíhwiidoołʼááł Diyin God háí ájítʼı̨́ dóó éí haitʼéego níká adoolwoł áhą́dígo bił ádidíílnííł.