Diyin éí nihitsʼíís tʼáá bí nádzihgo áyiilaa. Nihitsʼíís doo bąąh tééhgóogo áádóó ázhdiigishgo, hweełdáazgo, doodaiiʼ hąą iʼííjilgo éí “áłtsʼísígo doodaiiʼ nitsaago atsʼíís atídzaago tʼáá bí dilnishgo nádzih.” (Johns Hopkins Medicine) Atsʼíís tsı̨́įłgo dił neʼ áyiiłʼįįhgo atídzaa yę́ę néiłdzihgo atsʼíís bidziil nádleeh.

BAA NITSÍNÍKEES: Ánihiilaii kótʼéego nihitsʼíís áyiilaago nihíniʼ yííʼáahgo nihíká adoolwołgi éísh baʼííníidlíi doo? Psalm ání: “Diné tʼáá íiyisí bijéí yínííł danilíinii hadaʼólníigo áyósin, áádóó adadeezneh [tízhdiidzaa] yę́ęgóó ałchʼįʼ áńdeidleʼ.” (Psalm 147:3) Áko yinííł bee nichʼįʼ nahwiiʼnáago, haitʼéego nił bééhózingo kʼad índa náasdi Jiihóvah éí tídinidzaa yę́ęgóó ná néidoołdzih?

Diyin ání: “Tʼáadoo nił yéʼí, háálá nił honishłǫ́; tʼáadoo yéego nąąh nááhákaʼí, háálá niDiyin God nishłı̨́; nidziilgo ándeeshłííł; tʼáá aaníí, níká adeeshwoł.” (Isaiah 41:10) Jiihóvah shaa aʼááh nízingo nitsíkeesii éí bíniʼ hashtʼedítʼé índa bee achʼįʼ anáhóótʼiʼii yichʼįʼ bidziilgo haʼólní. Isaiah ání: Diyin éí “chʼééh dadeeskaii éí bee adziilii yeidiiʼaah; adziil doo bee hólóonii bidziil bilááh yileełgo áyósin.” (Isaiah 40:​28, 29) Yilʼaadii Paul éí ayiʼ hodéesyéelii “Diyin God bitsʼą́ą́dę́ę́ʼ bee achʼįʼ hózhǫ́ náhásdlı̨́įʼii, akʼidiʼyiitįįh tʼáá ałtso yiláahdi átʼéii” átʼé yiłní.—Philippians 4:​4-7, 9.

Diyin Bizaad niheʼoodląʼ bidziilgo íidoolííł. Jiihóvah yee ádee hadoodzííʼ yę́ę deiniidlą́. Revelation 21:​4, 5 (pg. 15gi bikááʼ) éí áníigo Jiihóvah haʼátʼíí íidoolííł dóó yidoolíiłgi haʼátʼíí biniyé deiniidlą́ą doo:

• Diné “dabinákʼeeshtoʼ tʼáá ałtso yá yidootʼoł.” Jiihóvah éí tʼáá ałtso bee achʼįʼ nahwiiʼnáanii índa doo idaʼdiiłʼáa da hwiindzinii íidoołdįįł.

• “Bikááʼdóó nahatʼáii yikááʼdóó dah sidáii,” Ayóó Átʼéii Naatʼáanii tʼáá ałtsoní áyiilaii hooʼáałgo achʼįʼ nahwiiʼná ádingo áyósin índa bee nihichʼįʼ anáhóótʼiʼii yee nihíká análwoʼ doo.

• Jiihóvah éí “díí saad tʼáá aaníinii áádóó badaʼahódlíii ádaatʼé,” níigo yee ádee hadoodzííʼ. Áníigo bízhiʼ dóó bee ájítʼéiigi binahjįʼ tʼáá aaníí bohodoolnííł.

“Dabinákʼeeshtoʼ tʼáá ałtso yá yidootʼoł, aniné ádin doo, áádóó atínáhodinidleeh ádin doo, áádóó cha ádin doo índa adiniih ádin doo, háálá áłtséédą́ą́ʼ dahólóonii bił yóóʼahóóyá. Bikááʼdóó nahatʼáii yikááʼdóó dah sidáii ání, Jóʼakon, tʼáá ałtsoní ániidígo ánáshdlééh! Áádóó ałdóʼ ánáádíʼní, Díí bee akʼeʼíłchí, háálá díí saad tʼáá aaníinii áádóó badaʼahódlíii ádaatʼé.”—Revelation 21:​4, 5.

Yá biiʼdi dahólóonii dóó Diyin Bizaad éí yáʼąąshiidę́ę́ʼ Nihizhéʼé átʼéiigi ííshjání ííłʼı̨́. Tʼáá ałtsoní ádaalyaii doo yádaałtiʼ da ndi God áhánígo bikʼis nileeh dahałníigo átʼé. Diyin Bizaad éí tʼáá bééhózinígo nihichʼįʼ yáłtiʼgo ání: “Áhánígo God bił hojílǫ́ǫ doo, áádóó God áhánígo hoł hólǫ́ǫ doo.” (James 4:​8, NW ) Acts 17:27 ání: ‘Diyin God éí tʼááłáʼí niitínígo doo nihitsʼą́ądi hojílǫ́ǫ da.’

God bił ahééhonílzįįhgo éí ‘naa áhályą́ągo’ átʼéegi yinídlą́ągi bidziil doo. (1 Peter 5:7) Áko Jiihóvah baʼííníidlíigo haʼátʼíí yee nihikʼizhdoodliił?

Toru, Japandę́ę́ʼ naagháago baa haneʼgi baa nitsíníkees. Hamá Oodlání nilı̨́įgo hayaa hoołʼaʼ, ndi doo yáʼáshóonii yee ahińdaʼahiiltéehii yakuza wolyéhígíí, éí Japanese Mafia, bizhdiiyá. Kójíní: “God shijoołá nisin, éí ayóóʼádeíníshʼnínígíí shitsʼą́ą́ʼ noonéełgo íiyisíí bee atíshiʼdilʼı̨́ nisin.” Toru ájíníigo doo yáʼátʼéehii bitah nijigháago áádóó kótʼéego nitsíjíkeesgo biniinaa “hajéí ádin dóó ajoobaʼ hwee ádin” jizlı̨́ı̨́ʼ. Biniyé ájítʼíinii éí, “Tʼah ániid naasháago éí shiláahdi ayóó átʼéego bééhoʼdílzinii diyeeshxééł áádóó dadeestsaał, áko bitsʼą́ą́dóó ayóó bee shééhodiʼdoolzįįł nisin ńtʼééʼ,” jiní.

 Hachʼooní Hannah bił Diyin Bizaad bóhojiiłʼą́ąʼgo baa nízhdiitʼáázh. Toru tʼáá tsı̨́łígo beʼiiná hashtʼééyiidlaa. Hannah ájíní: “Tʼáá shinááł shichʼooní hashtʼeʼninádzá.” Áko Toru ájíní: “Tʼááłaʼí niitínígo Diyin nihaa áhályáanii hólǫ́ǫgo átʼé. Doo éí łaʼ dazhdootsaał da nízin, índa doo yáʼáshóonii yaa naayáii hashtʼeʼninádzáago, kʼé náhodidooʼniił. Łaʼda doo bee bił hodiilnih da niidzinígíí índa doo nihá yikʼiʼdidootı̨́įłii, God nihá yiyíistsʼą́ą́ʼ. Bichʼįʼ hoolzhish, achʼįʼ nidahwiiʼná índa yínííł Jiihóvah éí díí ałtso nahjįʼ kwíidoolííł. Kʼad éí tʼáadoo naolníinii yee áká análwoʼ. Nihaa aʼááh nízin índa ayóóʼánihóʼníigo nihíká análwoʼ.”—Psalm 136:23.

Toru ádaa hoolneʼígi átʼéego nihił bééhózingo Diyin éí bee áchʼįʼ nidahwiiʼnáanii íidoołdįįł áádóó nákʼeeshtoʼ tʼáá ałtso yidootʼołgo bee ił chohooʼı̨́, kʼad ndi niheʼiinaʼ siláagi bee hashtʼedítʼé. Azhą́ shı̨́ı̨́ ayóó átʼéego achʼįʼ nahwiiʼná biiʼ kééhwiitʼı̨́į ndi, Diyin ayóóʼánihóʼníigo nihaa aʼááh nízingo bee hadaʼííníilní.