Kodi Ufumu wa Mulungu N’chiyani?
Kodi mungayankhe kuti ndi . . .
-
chinachake chimene chimakhala mu mtima mwa munthu aliyense?
-
mawu ongophiphiritsira?
-
boma limene lili kumwamba?
ZIMENE BAIBULO LIMANENA
“Mulungu wakumwamba adzakhazikitsa ufumu umene sudzawonongedwa ku nthawi zonse.”—Danieli 2:44, Baibulo la Dziko Latsopano.
“Ife tapatsidwa mwana wamwamuna, ndipo paphewa pake padzakhala ulamuliro.”—Yesaya 9:6.
KODI ZIMENEZI ZIKUTANTHAUZA CHIYANI?
-
Kudzakhala boma lolungama limene mudzasangalale nalo.—Yesaya 48:17, 18.
-
M’dziko latsopano anthu adzakhala angwiro, ndiponso osangalala.—Chivumbulutso 21:3, 4.
KODI ZIMENE BAIBULO LIKUNENAZI TINGAZIKHULUPIRIREDI?
Inde tingazikhulupirire pa zifukwa ziwiri izi:
-
Yesu anasonyeza zimene Ufumu wa Mulungu udzachite. Yesu anaphunzitsa otsatira ake kuti azipemphera kuti Ufumu wa Mulungu ubwere komanso kuti chifuniro cha Mulungu chichitike padziko lapansi. (Mateyu 6:9, 10) Yesu anasonyeza mmene Mulungu adzayankhire pemphero limeneli.
Pamene Yesu anali padziko lapansi anadyetsa anthu anjala, kuchiritsa odwala ndiponso kuukitsa akufa. (Mateyu 15:29-38; Yohane 11:38-44) Zimene anachitazi zinasonyeza zimene Ufumuwo udzachitire anthu Yesu akadzayamba kulamulira dziko lapansili monga Mfumu ya Ufumu wa Mulungu.—Chivumbulutso 11:15.
-
Zimene zikuchitika m’dzikoli zikusonyeza kuti Ufumu wa Mulungu uli pafupi. Yesu ananeneratu kuti Ufumu wa Mulungu usanabweretse mtendere padziko lapansi, m’dzikoli mudzakhala nkhondo, njala komanso zivomezi.—Mateyu 24:3, 7.
Zimenezi ndi zomwe zikuchitika masiku ano. Choncho sitikukayikira kuti posachedwapa Ufumu wa Mulungu uthetsa mavuto onsewa.
GANIZIRANI MFUNDO IYI
Kodi moyo udzakhala wotani mu Ufumu wa Mulungu?
Baibulo limayankha funso limeneli pa SALIMO 37:29 ndi pa YESAYA 65:21-23.
Mwina Mungakondenso Kudziwa Izi
MFUNDO ZOFUNIKA ZA M'BAIBULO
Kodi Ufumu wa Mulungu N’chiyani?
Ali padziko lapansi, Yesu anafotokoza kwambiri za Ufumu wa Mulungu kuposa nkhani ina iliyonse. Kwa zaka zambiri otsatira ake akhala akupempherera Ufumu umenewu kuti ubwere.
NSANJA YA OLONDA
Kodi Ufumu wa Mulungu Udzachita Zotani?
Yesu ankadziwa kuti Ufumu wa Mulungu wokha ndi umene ungathetse mavuto padzikoli. Kodi Ufumuwu wachita kale zinthu ziti zomwe zingatithandize kuukhulupirira?
KUYANKHA MAFUNSO A M’BAIBULO
Kodi Zidzatheka Bwanji Kuti Padziko Lonse Lapansi Padzakhale Mtendere?
Werengani nkhaniyi kuti mudziwe zimene Mulungu walonjeza zoti Ufumu wake udzabweretsa mtendere padziko lapansili.
NSANJA YA OLONDA
Ufumu wa Mulungu Ndi Boma Lopanda Chinyengo
Mfundo 6 zomwe zingakuthandizeni kudziwa kuti Ufumu wa Mulungu udzathetsa chinyengo chonse.
ZOKHUDZA IFEYO
N’chifukwa Chiyani Tiyenera Kuphunzira Baibulo—Vidiyo Yathunthu
Baibulo likuthandiza anthu ambirimbiri padziko lonse lapansi kupeza mayankho a mafunso ofunika kwambiri. Kodi inunso mungakonde?
ZIMENE BAIBULO LIMAPHUNZITSA
Yambani Kuphunzira Baibulo
Phunzirani Baibulo kwaulere, mochita kukambirana ndi mphunzitsi wanu.
