Kuyankha Mafunso a M’Baibulo
N’chifukwa chiyani tiyenera kukumbukira imfa ya Yesu?
Kodi tidzapeza madalitso otani chifukwa choti Yesu anatifera?
Zinali zofunika kuti Yesu atifere kuti anthufe tidzapeze moyo wosatha. Anthu sanalengedwe kuti azichita zoipa, azidwala komanso kuti azifa. (Genesis 1:31) Koma zimenezi zimachitika chifukwa tonse tinatengera uchimo kuchokera kwa Adamu. Choncho, Yesu anapereka moyo wake kuti atiwombole ku uchimo ndi imfa.—Werengani Mateyu 20:28; Aroma 6:23.
Mulungu anasonyeza kuti amatikonda kwambiri potumiza Mwana wake kuti adzatifere. (1 Yohane 4:9, 10) Yesu anauza ophunzira ake kuti azikumbukira imfa yake pochita mwambo wachidule ndipo azigwiritsa ntchito mkate ndi vinyo. A Mboni za Yehova amachita mwambo umenewu chaka chilichonse posonyeza kuyamikira chikondi chomwe Mulungu komanso Yesu anatisonyeza.—Werengani Luka 22:19, 20.
Kodi ndani ayenera kudya mkate komanso kumwa vinyo?
Pa nthawi imene Yesu ankauza ophunzira ake kuti azikumbukira imfa yake, ananenanso za pangano lina lapadera. (Mateyu 26:26-28) Panganoli linali loti ophunzirawo ndi anthu ena ochepa adzakhala mafumu komanso ansembe ndi Yesu kumwamba. Ngakhale kuti anthu ambiri amapezeka pa mwambo wokumbukira imfa ya Yesu, amene ayenera kudya mkate komanso kumwa vinyo ndi okhawo amene ali m’panganoli.—Werengani Chivumbulutso 5:10.
Kwa zaka pafupifupi 2,000, Yehova wakhala akusankha anthu oti akalamulire ndi Yesu kumwamba. (Luka 12:32) Anthuwa ndi ochepa poyerekeza ndi amene adzakhale padziko lapansi mpaka kalekale.—Werengani Chivumbulutso 7:4, 9, 17.
Mwina Mungakondenso Kudziwa Izi
ZOKHUDZA IFEYO
Mwambo Wokumbukira Imfa ya Yesu
Chaka chilichonse anthu mamiliyoni ambiri amasonkhana pa mwambo wokumbukira imfa ya Yesu. Tikukuitanani ku mwambowu kuti mudzadziwe mmene imfa ya Yesu imakukhudzirani.
KUYANKHA MAFUNSO A M’BAIBULO
N’chifukwa Chiyani Yesu Anafa?
Anthu ambiri amadziwa mfundo yakuti Yesu anafa ndi cholinga choti tikhale ndi moyo. Koma kodi imfa ya Yesu imatithandiza bwanji kwenikweni?
NSANJA YA OLONDA
N’chifukwa Chiyani Tiyenera Kukumbukira Imfa ya Yesu?
Anthu ambiri amakumbukira imfa ya Yesu pa Khristu pa Khirisimasi ndi kuuka kwake Isitala. N’chifukwa chiyani a Mboni za Yehova amakumbukira imfa ya Yesu, osati kubadwa kwake?
MAFUNSO OFUNSIDWA KAWIRIKAWIRI
N’chifukwa Chiyani a Mboni za Yehova Mumachita Mwambo wa Mgonero wa Ambuye Mosiyana ndi Zipembedzo Zina?
A Mboni za Yehova amaona kuti Mgonero wa Ambuye kapena kuti Chikumbutso cha Imfa ya Khristu ndi mwambo wopatulika kwambiri. Werengani nkhaniyi kuti mudziwe zimene Baibulo limanena zokhudza mwambowu.
