Magulu ogwira ntchito zosiyanasiyana akuika paipi yaikulu ya madzi pamalo ake pogwiritsa ntchito mathilakitala awiri. Nyumba yomwe ikuoneka chakutsogoloko ndi imene mudzakhale maofesi.

Makontilakitala akuika makoma opangiratu kunja kwa nyumbayi. Mitundu komanso mmene makomawa asanjidwira zithandiza kuti kaonekedwe ka nyumbayi kazidzagwirizana ndi mmene malo ozungulira nyumbayi akuwonekera.

Pambuyo pothira konkire pansi, makontilakitala akugwiritsa ntchito mashini kuti konkireyo ikhale yosalala, yonyezimira komanso yolimba kwambiri.

Chithunzichi chinajambulidwa kuchokera m’mwamba kumpoto chakum’mawa kwa malowa. Chapakati pa chithunzichi, anthu ogwira ntchito zosiyanasiyana pamalowa akuyeretsa komanso kusalaza pabwalo lomwe padzakhale malo oimika magalimoto pafupi ndi malo olandirira alendo. Chakumanzereko, ntchito yomangirira zitsulo zomwe adzamangirireko khoma ndi denga la pamalo olandirira alendo omwe ali pakati pa nyumba ziwiri za maofesi, yatha. Kutsogoloko kukuoneka nyumba yogwirira ntchito zosiyanasiyana yakumpoto komanso yakum’mwera.

Pafupi ndi Nyumba Yogona A, woyeza malo akuona komanso kulemba zokhudza ntchito yomwe okonza kaonekedwe ka malo anagwira. Chifukwa choti ntchito yokonza kaonekedwe ka pamalowa inagwiridwa atangoyamba kumene kumanga, mitengo komanso zomera zina zidzakhala zitakula ntchito yomangayi ikamadzafika kumapeto.

Ogwira ntchito yopenta akupaka penti pamalo oimika magalimoto. Mmodzi wavala nsapato zomwe sizisiya madindo pamalo omwe amaliza kupenta. Malo omwe apentedwa ndi penti yamtunduwu amakhala olimba kwambiri komanso sathimbirira pakagwera oilo ndipo zimenezi zimapangitsa pentiyu kukhala wabwino kwambiri kupentela pamalo omwe pazidzaimikidwa magalimoto.

Mapulambala akuyeza komanso kudula matcheni okolekera mapanelo otenthetsera malo aakulu ogwirira ntchito.

Ogwira ntchito yopenta akupaka penti yoyambirira mkati mwa Maofesi. M’mwamba mwa ofesi iliyonse anakoleka mashini oziziritsira mpweya omwe awakutira ndi mapulasitiki a mtundu wakuda pofuna kuwateteza.

Ogwira ntchito akumangirira zitsulo kudenga la pamalo olandirira alendo.

Makontilakitala akunyamula magalasi pogwiritsa ntchito mashini omwe amanyamula zinthu pogwiritsa ntchito mphamvu yokoka ya mpweya ndipo akuwaika kunja kwa chipinda chodyera ndi holo.

Ogwira ntchito yoika mawaya a magetsi omwe mumadutsa mauthenga a m’makompyuta akulumikiza masoketi ku mawayawa. Mawaya otalika makilomita pafupifupi 50 aikidwa pa mpata womwe uli kunsi kwa matailosi mu nsanjika zonse 4 za Maofesi. Kukhala ndi mpata pansi pa matailosi n’kothandiza kuti m’tsogolo akadzafuna kusintha kukula kwa ofesi asadzavutike.

Othandiza pakachitika ngozi zadzidzidzi akuyeserera kupulumutsa munthu yemwe wagwa kuchokera pamakwerero ndipo akulendewera atadzimangirira malamba omuteteza kuti asagwe.

Mmodzi mwa ogwira ntchito zosiyanasiyana akuyeza kutalika kwa m’mbali mwa kanjira ka oyenda pansi asanaike matailosi a konkire. Katapila akukumba mayenje m’mbali mwa njirayi momwe mudzadzalidwe mitengo ina yomwe imamera m’derali.

Chithunzi chomwe chinajambulidwa kuchokera m’mwamba. Mapanelo a sola aikidwa pamwamba pa madenga a nyumba zonse ziwiri zogwirira ntchito zosiyanasiyana, kuphatikizapo padenga la Maofesi. Mapanelowa azisintha mphamvu ya dzuwa kuti ikhale magetsi.

Mmodzi mwa anthu omwe amamalizitsa ntchito zosiyanasiyana akuika matailosi pabwalo la mu nsanjika yachitatu. Zinthu zachikasu zomwe zili pansi pamatailosiwa zikulekanitsa matailosiwa ndi konkire yemwe ali pansi pake ndipo zimateteza matailosiwa kuti asasweke ngati konkireyo itasuntha.

Ogwira ntchito akutenga chakudya chamasana ndipo akudyera m’chipinda chodyera chongoyembekezera. Anthu pafupifupi 1,000 amabwera kudzadya chakudya m’chipindachi m’magulu atatu tsiku lililonse mochita kusinthana.

Mathiraki akuchotsa zinthu kuseri kwa maofesi. Chakumanjako, maluvazi aikidwa mukolido pofuna kuteteza kuti kuwala kwa dzuwa kwamphamvu komwe kumachitika m’nyengo yozizira kusamalowe m’chipinda chodyera ndi muholo.

Gulu la anthu omwe amamalizitsa ntchito zosiyanasiyana akuika kapeti ndipo akuthandizidwa ndi anthu omwe anadzipereka kudzagwira nawo ntchito kwa tsiku limodzi lokha. Mipingo yonse ya ku Britain ndi ku Ireland inapemphedwa kuti izitumiza anthu odzathandiza kwa tsiku limodzi lokha. Zimenezi zinathandiza kuti anthu opitirira 5,500 agwire nawo ntchitoyi pofika kumapeto kwa mwezi wa February.

Makontilakitala akumanga khoma lalitali pakati pa nyumbayi pofuna kugawa zipinda. Tizipilala tachikasu tomwe tazikidwa pansipo tikugawa malire omwe muzidutsa mashini okwerapo anthu ogwira ntchito.

Ogwira ntchito akusesa ndipo matailosi omwe ali ndi mpata pansi pake aikidwa pamalo olandirira alendo.