Pa 3 September, 2019, M’bale Andrzej Oniszczuk anatulutsidwa m’ndende ya ku Russia. M’baleyu anali atakhala m’ndende kuyambira pa 9 October, 2018 chifukwa cholambira Yehova. Pa nthawiyi, iye anaikidwa m’ndende yayekha ndipo sankaloledwa kuonana kapena kulankhulana ndi mkazi wake Anna. Ngakhale kuti abwerera kunyumba kwawo, a Oniszczuk analetsedwa kuchita zinthu zina ndipo zimenezi zikutanthauza kuti sangayende maulendo aatali kwambiri. Mlandu wawo udakalipobe.

Tikusangalala kuti M’bale Andrzej Oniszczuk ndi mkazi wake akupitirizabe kukhala okhulupirika pa nthawi yovutayi. Tikuthokoza kwambiri Yehova chifukwa amayankha mapemphero onse omwe timapereka m’malo mwa anthu omwe ‘anamangidwa n’kuikidwa m’ndende.’—Akolose 4:2, 3.