EISHOMO 25
Ruhanga Atwiniire Kigyendererwa Ki?
Baibuli neegira ngu amagara g’abantu ni magufu, kandi gaijwire ‘enaku nsha.’ (Yobu 14:1) Eki shi Ruhanga nikyo arikutwendeza? Ku kiraabe tikwo kiri, atwiniire kigyendererwa ki? Nikiija kuhikiirira? Yetegyereze eby’okugarukamu bya Baibuli ebirikuhuumuriza.
1. Yehova naatwendeza amagara ga muringo ki?
Yehova naayenda ngu tugire amagara agarikukirayo oburungi. Obu yaahanga abantu b’okubanza, Adamu na Haawa, akabata omu paradiso nungi erikwetwa omusiri Edeni. Bwanyima, ‘Ruhanga akabaha omugisha, kandi yaabagira ati: Muzaare, mukanye, mwijure ensi, ebe eyaanyu’ mugireeberere. (Okutandika 1:28) Yehova akaba naayenda ngu bazaare abaana, bahindure ensi yoona paradiso, kandi bareeberere enyamaishwa. Ekigyendererwa kye kikaba kiri ngu abantu boona batungye amagara agahikiriire kandi batuureho ebiro byona.
N’obu ebintu biraabe bitaraabaire bityo, a ekigyendererwa kya Ruhanga tikirahindukire. (Isaaya 46:10, 11) Naayenda ngu abantu abarikumworobera bagire amatsiko g’okugumaho ebiro byona omu mbeera ezihikiriire.—Shoma Okushuuruurwa 21:3, 4.
2. Nitubaasa kwesiimira omu kugira amagara hati?
Yehova akatuhanga twine ekyetengo ky’eby’omwoyo, nikyo kyetengo ky’okumumanya n’okumuramya. (Shoma Matayo 4:4; 5:3-6.) Naayenda ngu tugire omukago murungi nawe, ‘tugyendere omu mihanda ye yoona, tumukunde,’ kandi tumuheereze “n’omutima [gwaitu] gwona.” (Eky’Ebiragiro 10:12; Zaaburi 25:14) Twakora tutyo, nitubaasa kushemererwa buzima n’obu twakuba twine oburemeezi. Okuramya Yehova nikituhwera kumarwa n’okugira ekigyendererwa.
SHWIJUMA GYE
Manya rukundo mpango ei Yehova yaayorekire obu yaabaire naatutebeekanisiza ensi, n’eki Baibuli erikwegyesa aha kigyendererwa ky’okubaho.
3. Yehova ainiire abantu ekigyendererwa kirungi
Zaana VIDIYO, kubaasa kugarukamu ekibuuzo ekirikukurataho.
-
Ahabw’enki Ruhanga yaahangire ensi yaitu nungi?
Shoma Omubuurizi 3:11, kubaasa kugarukamu ekibuuzo eki:
-
Ekyahandiikirwe eki nikikwegyesa ki ahari Yehova?
4. Ekigyendererwa kya Ruhanga tikihindukire
Shoma Zaaburi 37:11, 29 na Isaaya 55:11, kubaasa kugarukamu ekibuuzo eki:
-
Nitumanya tuta ngu ekigyendererwa eki Yehova atwiniire tikihindukire?
Enju erikuba esiisikaire neebaasa kuhuunduzibwa busya. N’ensi esiisirwe abantu, kwonka Ruhanga naija kugiboneza agihe abantu abu arikukunda
5. Okuramya Yehova nikitubaasisa kugira ekigyendererwa
Okumanya ekigyendererwa ky’okugira amagara nikitureetera kushemererwa. Zaana VIDIYO, kubaasa kugarukamu ekibuuzo ekirikukurataho.
-
Terumi akagasirwa ata ahabw’okwega ekigyendererwa ky’okubaho?
Shoma Omubuurizi 12:13, kubaasa kugarukamu ekibuuzo eki:
-
Ahabw’okugira ngu Yehova atukoreire bingi munonga, itwe twine eibanja ry’okukora ki?
OMUNTU NAABAASA KUBUUZA ATI: “Ekigyendererwa ky’okugira amagara niki?”
-
Noobaasa kumugarukamu ota?
OMU BUGUFU
Yehova naayenda ngu twesiimire okugira amagara ebiro byona aha omu nsi, omu mbeera ezihikiriire. Twamuramya n’omutima gwaitu gwona, nitugira okumarwa nangwa na hati.
Okweijutsya
-
Ni kigyendererwa ki eki Yehova yaabaire ainiire Adamu na Haawa omu kubanza?
-
Nitumanya tuta ngu ekigyendererwa eki Ruhanga ainiire abantu tikihindukire?
-
Noobaasa kutunga ota okumarwa okwabuzima?
JUMBURA EBINDI
Yetegyereze obuhame oburikworeka ngu omusiri Edeni buzima gukabaho.
“Omusiri Edeni Gukabaho Nari n’Ekitebyo?” (Omunaara gw’Omurinzi, Jenwari 1, 2011)
Manya ahabw’enki turikuhamya ngu ensi neija kugumaho ebiro byona.
Shwijuma oreebe eki Baibuli erikugamba aha kigyendererwa ky’okugira amagara.
Reeba oku omuntu owaabaire naateekateeka ngu aine buri kimwe yaashangire ngu haine eki arikuburwaho.
a Omu kicweka ekirikukurataho, noija kumanya ekyashobire.
Noobaasa Kukunda n'Ebi
EBIBUUZO EBIRIKUKIRA KUBUUZIBWA
Omushomo gw’Okwegyesa Baibuli ogw’Abajurizi ba Yehova Niki?
Omu ntebeekanisa ya busha ey’okuhikaanisa ebiteekateeko ey’Abajurizi ba Yehova, noobaasa kukoresa envunuura ya Baibuli yoona. Noobaasa kwega n’eka yaawe yoona nari kweta banywani baawe.
