Abantu abamwe nibagira ngu . . .

n’okucwekyerezibwa kw’ensi yoona obwo erikucwekyerezibwa ebirwaniso by’amaani nari amaani g’obuhangwa Iwe nooteekateeka ki?

Eki Baibuli erikwegyesa

Haramagedoni ‘n’orugamba orw’ekiro kikuru kya Ruhanga ow’obushoboorozi bwona,’ orw’okucwekyerezaho ababi.​—Okushuuruurwa 16:14, 16.

Niki ekindi eki turikubaasa kwega omu Baibuli?

• Ruhanga naija kurwana orutaro rwa Haramagedoni, beitu kutarikushiisha ensi, kureka kugijuna abantu abarikugicwekyereza.​—Okushuuruurwa 11:18.

• Orutaro Haramagedoni nirwija kumaraho entaro zoona.​—Zaaburi 46:8, 9.

Noobaasa kugarukamu ota?

• Eego

• Ngaaha

• Torikumanya

Eki Baibuli erikwegyesa

“Omutwe muhango” gw’abantu kuruga omu mahanga goona nibaija kuhonokaho aha “kubonabona kwingi,” okuraahendere n’orugamba Haramagedoni.​—Okushuuruurwa 7:9, 14.

Niki ekindi eki turikubaasa kwega omu Baibuli?

• Ruhanga naayenda ngu abantu baingi bahonokeho aha rutaro Haramagedoni. Naacwekyereza ababi abarikwangira kimwe kweteisa.​—Ezekieli 18:32.

• Baibuli neeshoboorora oku turikubaasa kuhonokaho aha rutaro Haramagedoni.​—Zefania 2:3.