Mɔɔ Limoa Kɔmaa Kɔlentema 5:1-13
5 Mede adwɔmane ɛbɛla*+ bie wɔ bɛ avinli, kɛ awie ɛva* ye papa aye,+ na bɛmbɔ adwɔmane ɛbɛla* ɛhye wɔ maanle maanle ne bɔbɔ anu.
2 Na bɛfa bɛtu bɛ nwo ɔ? Asoo ɔnle kɛ anrɛɛ bɛdi nwolɛ nyane,+ amaa bɛaye ahenle mɔɔ yɛle ɛtane ɛhye la bɛavi bɛ avinli ɔ?+
3 Menle bɛ nwo lɔ wɔ nwonane nu ɛdeɛ, noko mewɔ lɔ wɔ sunsum nu, na mebua nrenyia ne mɔɔ ɛyɛ ɛhye la ndɛne dɛbadɛba kɛ asɛɛ mewɔ bɛ nwo lɔ la.
4 Saa bɛyia nu wɔ yɛ Awulae Gyisɛse duma nu, na bɛnwu ye kɛ mewɔ bɛ nwo lɔ wɔ sunsum nu yɛɛ yɛ Awulae Gyisɛse tumi ne boka bɛ nwo a,
5 ɛnee ɔwɔ kɛ bɛye nrenyia ɛhye bɛwula Seetan asa anu+ amaa nwonane ne azɛkye na bɛalie sunsum ne ngoane wɔ Awulae kenle ne.+
6 Bɛ adubɛnwo ye ka bie. Asoo bɛnze kɛ mgbɔvonle ekyi bie a maa ɛdɔkɛ ne amuala nyinyia a?+
7 Ɔnle kɛ mgbɔvonle biala tɛnla bɛ nu, bɛye mgbɔvonle dɛba ne amaa bɛayɛ ɛdɔkɛ fofolɛ. Ɔluakɛ bɛva Kelaese mɔɔ le yɛ Akpabɛnwo boaneralɛ ne+ la bɛbɔ afɔle.+
8 Ɛhye ati, bɛmmamaa yɛfa mgbɔvonle dɛba anzɛɛ ɛtane nee amumuyɛ mgbɔvonle yɛdi ɛvoyia ne,+ emomu bɛmaa yɛva paano mɔɔ mgbɔvonle ɛnle nu mɔɔ yemɔ a le atiakunlu wienyi nee nɔhalɛlilɛ la yɛli.
9 Mengɛlɛle ye wɔ me kɛlata ne anu kɛ bɛ nee menli mɔɔ bɔ adwɔmane* la mmatu,
10 noko mengile kɛ bɛhwe bɛ nwo bɔkɔɔ bɛvi ewiade ye+ anu menli mɔɔ bɔ adwɔmane* anzɛɛ bɛle anyebolo anzɛɛ nzisi anzɛɛ sonle awozonle la anwo. Anrɛɛ kyesɛ bɛfi ewiade ye anu bɔkɔɔ.+
11 Noko kɛkala melɛkɛlɛ bɛ kɛ bɛ nee awie biala mɔɔ bɛfɛlɛ ye adiema na ɔbɔ adwɔmane* anzɛɛ ɔle anyebolo+ anzɛɛ ɔsonle awozonle anzɛɛ ɔbɔ aholoba* anzɛɛ ɔle nzanli+ anzɛɛ ɔle nzisi+ la mmatu,+ bɛ nee sonla zɛhae mmadi debie bɔbɔ.
12 Na kɛzi ɔfale me nwo kɛ mekɛbua bɛdabɛ mɔɔ bɛnle asafo ne anu la ndɛne ɛ? Asoo tɛ bɛdabɛ mɔɔ bɛwɔ asafo ne anu la a ɔwɔ kɛ bɛbua bɛ ndɛne a,
13 na Nyamenle noko abua bɛdabɛ mɔɔ bɛnle asafo ne anu la ndɛne ɔ?+ “Bɛye ɛtanevolɛ* ne bɛvi bɛ avinli.”+
Ɔbodwɛkɛ
^ Giliki, por·nei′a. Nea Edwɛkɛbohilelɛ.
^ Giliki aneɛ nu, “ɛlie.”
^ Giliki, por·nei′a. Nea Edwɛkɛbohilelɛ.
^ Nea Edwɛkɛbohilelɛ, “Adwɔmane ɛbɛla.”
^ Nea Edwɛkɛbohilelɛ, “Adwɔmane ɛbɛla.”
^ Nea Edwɛkɛbohilelɛ, “Adwɔmane ɛbɛla.”
^ Anzɛɛ “ɔ nloa ɛdendɛlɛ ɛnyɛ fɛ.”
^ Anzɛɛ “amumuyɛnli.”
