Edwɛne 21:1-13
Kɔmaa edwɛndolɛma kpanyinli ne. Devidi ayɛlɛyelɛ edwɛne.
21 O Gyihova, belemgbunli ne di fɛlɛko wɔ wɔ anwosesebɛ ne anu;+Nea kɛzi ɔ nye die kpole wɔ wɔ ngoanelielɛ ne anu a!+
2 Wɔva mɔɔ ye ahonle kulo la wɔmaa ye,+Yɛɛ wɔanzi mɔɔ yeva ɔ nloa yebiza la adenle. (Sila)
3 Ɔluakɛ ɛyia ye na ɛyila ye kpole;Ɛfa nvutuke kpalɛ* abotile ɛbɔ ɔ ti.+
4 Ɔbizale ngoane ɔvile wɔ ɛkɛ, na ɛvale ɛmaanle ye,+Ɛmaanle ye ngoane tendenle,* dahuu ngoane.
5 Wɔ ngoanelielɛ wula ye anyunlunyia kpole.+
Wɔli ye eni yɛɛ wɔwula ye anyunlunyia.
6 Ɛyila ye dahuu;+Ɛ nyunlu fɛlɛkolilɛ ne maa ɔ nye die.+
7 Belemgbunli ne fa ɔ nwo to Gyihova anwo zo;+Ɔlua Anwuma Anwumanli ne ɛlɔlɛ kpundii ne ati, ɛhwee ɛngola ɔ bo tu.+
8 Ɛ sa bazɔ wɔ kpɔvolɛma kɔsɔɔti anu;Ɛ sa fema ne bahye bɛdabɛ mɔɔ bɛkyi wɔ la.
9 Mekɛ mɔɔ wɔhile kɛ ɛbala ɛ nwo ali la dwu a, ɛbamaa bɛayɛ kɛ fonlomo nu senle la.
Gyihova bame bɛ wɔ ye ɛya ne anu, na senle bayela bɛ.+
10 Ɛbazɛkye bɛ bo zo amra wɔavi azɛlɛ ne azo,Na wɔabɔ bɛ mra bo zo wɔ alesama anu.
11 Ɔluakɛ bɛbɔle kpɔkɛ kɛ bɛyɛ wɔ ɛtane;+Bɛbɔ adwenle ɛtane mɔɔ ɔnrɛyɛ boɛ la.+
12 Ɛtende wɔ ɛda* ne bɛ nwo zo* a,+Bɛbanriandi.
13 O Gyihova, dwazo wɔ wɔ anwosesebɛ ne anu.
Yɛbado* wɔ kpoleyɛlɛ ne anwo ayɛlɛyelɛ edwɛne.
Ɔbodwɛkɛ
^ Anzɛɛ “nvutuke mɔɔ bɛdu nu la.”
^ Hibulu aneɛ nu, “mekɛ tendenle.”
^ Hibulu aneɛ nu, “ɛda nyɛma.”
^ Hibulu aneɛ nu, “bɛ nyunlu.”
^ Hibulu aneɛ nu, “Bɛdo na bɛbɔ.”
