Edwɛne 41:1-13
Kɔmaa edwɛndolɛma kpanyinli ne. Devidi ayɛlɛyelɛ edwɛne.
41 Anyelielɛ a le sonla ne mɔɔ dwenle koahweabane nwo la;+Gyihova balie ye wɔ munzule kenle ne.
2 Gyihova babɔ ɔ nwo bane na yeamaa yeadɛnla ngoane nu.
Bɛbavɛlɛ ye kɛ awie mɔɔ lɛ anyelielɛ la wɔ azɛlɛ ne azo;+Ɛnrɛye ye ɛnrɛmaa ye kpɔvolɛma.*+
3 Gyihova baboa ye wɔ ye anwonyane ɛkpa zo;+Ɛbanlea ye wɔ ye anwonyane ɛkpa zo.
4 Ɔluakɛ menganle kɛ: “O Gyihova, maa menyia ɛ nyunlu ɛlolɛ.+
Yɛ me* ayile,+ ɔluakɛ meyɛ ɛtane metia wɔ.”+
5 Noko me kpɔvolɛma ka me nwo edwɛkɛ ɛtane kɛ:
“Kenlenzu a ɔbawu na ye duma aminli a?”
6 Saa bɛ nuhua bie banea me a, ye ahonle ka adalɛ edwɛkɛ.
Ɔboɔboa edwɛkɛ ɛtane mɔɔ ɔbaha la anloa;Ɔfinde ɔkɔ na ɔkɔbɔ ye nolo.
7 Bɛdabɛ mɔɔ bɛkyi me la kɔsɔɔti tu bɛ nwo azukue ngoko;Bɛfa me nwo adwenle ɛtane:
8 “Munzule ɛdo ye;Kɛkala mɔɔ yedɔ aze la, ɔnrɛdwazo bieko.”+
9 Sonla mɔɔ me nee ye de anzodwolɛ nu bɔbɔ, mɔɔ mefa me nwo meto ɔ nwo zo,+Mɔɔ nee me di aleɛ la, ɛhakyi ɔ nzi ɛzi me.+
10 Noko wɔmɔ O Gyihova, maa menyia ɛ nyunlu ɛlolɛ na maa me zo,Amaa meadua bɛ kakɛ wɔ mɔɔ bɛyɛle la anwo.
11 Ɔlua ɛhye azo a mebanwu kɛ ɛ nye die me nwo a:
Saa me kpɔvolɛma anli me nwo zo konim a.+
12 Na mame, ɛsɔ me nu ɔlua me nɔhalɛlilɛ* ti;+Ɛbava me wɔazie ɛ nyunlu ɛkɛ ne dahuu.+
13 Ayɛlɛyelɛ ɛha Gyihova,Yizilayɛ Nyamenle ne dahuu.*+
Amen yɛɛ Amen.
Ɔbodwɛkɛ
^ Anzɛɛ “ye kpɔvolɛma ɛhulolɛdeɛ.” Hibulu aneɛ nu, “ye kpɔvolɛma ɛkɛla.” Nea Edwɛkɛbohilelɛ.
^ Anzɛɛ “me ɛkɛla.”
^ Anzɛɛ “munlililɛ.” Nea Edwɛkɛbohilelɛ.
^ Anzɛɛ “Ɔvi mekɛ mɔɔ ɛnlɛ awieleɛ kɔdwu mekɛ mɔɔ ɛnlɛ awieleɛ.”
