Dwobu 42:1-17
42 Akee Dwobu buale Gyihova kɛ:
2 “Kɛkala menwu kɛ ɛkola ɛyɛ ninyɛne kɔsɔɔtiNa debie biala ɛnle ɛkɛ ne mɔɔ wɔdwenle nwo kɛ ɛyɛ mɔɔ ɛngola ye yɛ a.+
3 Ɛbizale kɛ, ‘Nwane ɛne, nwane a ɛlɛbu ɔ nye agua me folɛdulɛ ne azo wɔ adenle mɔɔ nrɛlɛbɛ ɛnle nu la azo a?’+
Ɛhye ati mendendɛle, noko meande ɔ boƐnee menze ninyɛne mɔɔ yɛ nwanwane somaa maa me la.+
4 Ɛhanle kɛ, ‘Mesɛlɛ wɔ tie, na metendɛ.
Mebiza wɔ edwɛkɛ, na wɔaye me ɔ nloa.’+
5 Me nzo ɛde ɛ nwo edwɛkɛ,Noko kɛkala ɛdeɛ, meva me nye menwu wɔ.
6 Ɛhye ati a mehwe mɔɔ menganle la mezia la,+Yɛɛ menlu me nwo wɔ ndɛtɛlɛ nee nzonle nu.”+
7 Gyihova hanle edwɛkɛ ɛhye mɔ hilele Dwobu la anzi, Gyihova zele Ɛlefaze mɔɔ vi Timan la kɛ:
“Meva ɛdawɔ nee ɛ gɔnwo mɔ nwiɔ ne anwo ɛya kpole,+ ɔluakɛ bɛanga me nwo nɔhalɛ edwɛkɛ+ ne kɛ mɔɔ me sonvolɛ Dwobu yɛle la.
8 Ɔti bɛva nlankɛ nyinli nsuu nee mboane nyinli nsuu na bɛhɔ me sonvolɛ Dwobu anwo ɛkɛ ne, na bɛhɔbɔ ɛyelalɛ afɔle wɔ bɛ ɛtane ne ati. Na me sonvolɛ Dwobu bayɛ asɔne amaa bɛ.+ Nɔhalɛ nu, mebadie ye modolɛ ne* na me nee bɛ ɛnrɛli ye kɛ mɔɔ bɛ ngoaseade ne de la, ɔluakɛ bɛanga me nwo nɔhalɛ edwɛkɛ ne kɛ mɔɔ me sonvolɛ Dwobu yɛle la.”
9 Ɔti Ɛlefaze mɔɔ vi Timan, Beledade mɔɔ vi Hyuaa nee Zofaa mɔɔ vi Neeyama la hɔyɛle mɔɔ Gyihova se bɛyɛ la. Na Gyihova diele Dwobu asɔneyɛlɛ ne.
10 Mɔɔ Dwobu yɛle asɔne maanle ɔ gɔnwo mɔ la anzi,+ Gyihova yele amaneɛnwunlɛ ne vile Dwobu anwo zo+ na ɔmaanle ɔnyianle ye agyapadeɛ ne bieko.* Gyihova maanle ɔnyianle mɔɔ ɛnee ɔlɛ ye dɛba la mɔnwo.+
11 Ɔ mediema mrenyia nee mraalɛ kɔsɔɔti nee ɔ gɔnwo mɔ dɛba ne amuala+ rale ɔ nwo ɛkɛ ne na bɛ nee ye lile aleɛ wɔ ye sua nu ɛkɛ. Bɛ nee ye ralile nyane na bɛkyekyele ɔ rɛle wɔ munzule kɔsɔɔti mɔɔ Gyihova maanle adenle maanle ɔrale ɔ nwo zo la anwo. Bɛ nuhua ko biala maanle ye ezukoa ekyi nee nvutuke ngɛba.
12 Ɔti Gyihova yilale Dwobu wɔ ye ngoane mekɛ mɔɔ li awieleɛ la anu dɛlale ye mɔlebɛbo,+ na Dwobu nyianle mboane 14,000, afunlumu 6,000, nlankɛ 2,000* yɛɛ asoaso mbelɛ 1,000.+
13 Eza ɔwole mralɛ mrenyia nsuu bieko nee mralɛ mraalɛ nsa bieko.+
14 Ɔdonle ralɛ raalɛ kpanyinli ne Gyimaema, mɔɔ tɔ zo nwiɔ la Kɛzaya yɛɛ mɔɔ tɔ zo nsa la Kɛlɛn-hapɛke.
15 Ɛnee azɛlɛ ne azo mraalɛ kɔsɔɔti anwofɛlɛko ne ɛndo Dwobu amra mraalɛ ne mɔ ɛdeɛ ne, na bɛ papa maanle bɛ nee bɛ mediema mrenyia ne mɔ agyapadeɛ.
16 Ɛhye anzi, Dwobu dɛnlanle aze ɛvolɛ 140, na ɔnwunle ɔ mra nee ye nlɔnra—awolɛndoazo mɔɔ tɔ zo nna.
17 Awieleɛ bɔkɔɔ ne, Dwobu wule wɔ mekɛ mɔɔ ɛnee yeyɛ ɛrelera la, na ɔ kunlu dwole ɔ nwo.
Ɔbodwɛkɛ
^ Hibulu aneɛ nu, “Nɔhalɛ nu, mebakpogya ɔ nye zo.”
^ Hibulu aneɛ nu, “Gyihova yele Dwobu vile akɛlɛzonlenlɛ nu.”
^ Hibulu aneɛ nu, “nlankɛ 1,000 fane nwiɔ.”
