Nwane A Amgba Nea Ewiade Ye Azo A?
Ɛsuzu kɛ . . .
-
Nyamenle ɔ?
-
alesama ɔ?
-
awie gyɛne ɔ?
MƆƆ BAEBOLO NE KA LA
“Amumuyɛnli ne a nea ewiade ye amuala azo a.”—1 Dwɔn 5:19.
“Nyamenle Ara ne rale . . . kɛ ɔbazɛkye Abɔnsam gyima.”—1 Dwɔn 3:8, New Century Version.
KƐZI ƆBABOA WƆ LA
Ɔbamaa wɔanwu deɛmɔti ngyegyelɛ wɔ ewiade ye anu la.—Yekile 12:12.
Ɔbamaa wɔalie wɔali kɛ ewiade ye bayɛ kpalɛ.—1 Dwɔn 2:17.
ASOO YƐBAHOLA YƐALIE MƆƆ BAEBOLO NE KA LA YƐALI AMGBA?
Ɛhɛe, ɔlua ninyɛne nsa bie ati:
-
Seetan tumililɛ ne bazɛkye. Gyihova ɛbɔ kpɔkɛ kɛ ɔmaa tumi mɔɔ Seetan ɛlɛdi wɔ alesama anwo zo la ara awieleɛ. Yebɔ ɛwɔkɛ kɛ ‘ɔbazɛkye Abɔnsam’ na yeayɛ ninyɛne mɔɔ Seetan ɛzɛkye bɛ la boɛ.—Hibuluma 2:14, Ewiade Fofolɛ Ngilebɛbo.
-
Nyamenle ɛkpa Gyisɛse Kelaese kɛ ɔli ewiade ne azo tumi. Gyisɛse ɛnle kɛ ahenle mɔɔ nea ewiade ɛhye azo, mɔɔ ɔle angomedi nee atisesebɛ la. Nyamenle ɛbɔ Gyisɛse tumililɛ ne anwo ɛwɔkɛ kɛ: “Ɔbaze koahweabane nee ehyianli anwunvɔne . . . Ɔbalie bɛ yeavi nzisi nee basabasayɛlɛ nu.”—Edwɛne 72:13, 14.
-
Nyamenle ɛmbɔ adalɛ. Baebolo ne ka ye wienyi kɛ: “Nyamenle ɛngola ɛmbɔ adalɛ.” (Hibuluma 6:18) Saa Gyihova bɔ ɛwɔkɛ kɛ ɔbayɛ debie a, ɔle kɛ asɛɛ yeyɛ yewie la! (Ayezaya 55:10, 11) “Bɛbaye mɔɔ nea ewiade ɛhye azo la bɛavi ɛkɛ.”—Dwɔn 12:31.
DWENLE ƐHYE ANWO
Saa bɛye ahenle mɔɔ nea ewiade ne azo la bɛfi ɛkɛ a, kɛzi ewiade ye bayɛ ɛ?
Baebolo ne bua kpuya zɔhane wɔ EDWƐNE 37:10, 11 yɛɛ YEKILE 21:3, 4.
Bie A Eza Ɛ Nye Balie
ƐZINZALƐ ARANE
Duzu Ati A Anzondwolɛ Ɛnle Ewiade Anu A?
Alesama dɔɔnwo ɛbɔ mɔdenle ɛdeɛ, noko bɛtɛnyianle anzondwolɛ wɔ ewiade. Sukoa deɛmɔti ɔle zɔ la.
BAEBOLO KPUYA MƆƆ BƐBUA
Abɔnsam Wɔ Ɛkɛ Ne Amgba Ɔ?
Asoo Abɔnsam le debie mɔɔ wɔ menli nu anzɛɛ ɔle awie mɔɔ wɔ ɛkɛ ɔ?
ƐZINZALƐ ARANE
Ɔwɔ Kɛ Yɛsulo Seetan Ɔ?
Nyamenle maa yɛ ninyɛne nna mɔɔ bɔ yɛ nwo bane fi Seetan anwo.
YƐ NWO EDWƐKƐ
Duzu Ati A Ɔwɔ Kɛ Ɛsukoa Baebolo Ne A?
Baebolo ne ɛlɛboa menli mɔɔ wɔ ewiade la anu mgbe dɔɔnwo yeamaa bɛanyia kpuya mɔɔ gyegye bɛ la anwo mualɛ. Ɛkpondɛ kɛ ɛdawɔ noko ɛnyia wɔ kpuya nwo mualɛ ɔ?
YƐ NWO EDWƐKƐ
Maa Yɛrakpɔla Wɔ
Ɛ nee yɛ ɛzuzu Baebolo nu edwɛkɛ bie anwo anzɛɛ sukoa Gyihova Alasevolɛ anwo edwɛkɛ dɔɔnwo.
