Faarfannaa 16:1-11
Miktaamii* Daawit.
16 Yaa Waaqayyo, ani sitti kooluu waanan galeef na eegi.+
2 Yihowaadhaan akkana nan jedhe: “Ati Yihowaa dha; ati anaaf Madda gaarummaa ti.
3 Qulqulloonni lafa irra jiran,Warri ulfina qabeeyyiinis gammachuu guddaa naaf argamsiisu.+
4 Warri waaqolii kan biroo duukaa buʼan gadda isaanii baayʼisu.+
Ani matumaa aarsaa dhiigaa isaaniif hin dhiheessu,Afaan koos maqaa isaanii hin dhaʼu.+
5 Yihowaan gaʼee koo, qooda koo isa naaf ramadamee+ fi xoofoo koo+ ti.
Ati dhaala koo ni eegda.
6 Iddoowwan gammachiisoon naaf safaramaniiru.
Eeyyee, ani dhaala kootti gammadeera.+
7 Yihowaa isa gorsa naaf kenne nan jajadha.+
Halkan illee yaanni keessa koo jiru* na sirreessa.+
8 Yeroo hunda Yihowaa of dura nan kaaʼadha.+
Inni mirga kootiin waan jiruuf, ani matumaa hin raafamu.*+
9 Kanaafuu, garaan koo ni gammada, guutummaan eenyummaa kootiis* ni ililcha.
Tasgabbiidhaanis nan jiraadha.*
10 Sababiin isaas, ati Awwaala* keessatti na* hin dhiistu.+
Inni siif amanamaa taʼes boolla akka argu* hin heyyamtu.+
11 Daandii jireenyaa na beeksisteetta.+
Fuula kee dura* gammachuu hedduutu jira;+Gara harka mirgaa keetiinis bara baraaf gammachuutu jira.
Miiljaleewwan
^ Ibsa Jechootaa ilaali.
^ Ykn., “miirri koo inni gad fagoon.” Kal., “kaleen koo.”
^ Ykn., “hin gatantaru.”
^ Kal., “ulfinni koos.”
^ Ykn., “Foon koos tasgabbiidhaan ni jiraata.”
^ Ykn., “Siʼool,” jechuunis, bakka ilmaan namootaa hundi itti awwaalaman. Ibsa Jechootaa ilaali.
^ Ykn., “lubbuu koo.”
^ Ykn tarii, “akka tortoru.”
^ Kal., “wajjin.”
