Faarfannaa 59:1-17
Geggeessaa muuziqaatiif; “Badiisa hin Fidin.” Faarfannaa Daawit. Miktaam.* Yommuu Saaʼol Daawitiin ajjeesuuf namoota gara mana isaatti* ergetti.+
59 Yaa Waaqa koo, diinota koo jalaa na oolchi;+Warra na irratti kaʼan irraa na eegi.+
2 Warra gocha hamminaa raawwatan irraa na oolchi,Jalʼoota* jalaas na baraari.
3 Kunoo, isaan riphanii na* eeggatu;+Namoonni ciccimoonis na haleelu,Yaa Yihowaa, akkana kan godhan garuu, waanan fincileef yookiin waanan cubbuu hojjedheef miti.+
4 Dogoggora kanan hin raawwanne taʼus, isaan natti fiigan, na haleeluufis ni qophaaʼan.
Yommuun si waammadhu kaʼi, wanta isaan godhanis ilaali.
5 Yaa Yihowaa Waaqa Raayyaa, ati Waaqa Israaʼeli.+
Xiyyeeffannaa kee gara saboota hundumaatti gochuuf dammaqi.
Gantoota hamoo taʼan kamitti iyyuu gara laafina hin argisiisin.+ (Seelaa)
6 Isaan galgala galgala ni deebiʼu;+Akka sarootaatti ni gururiʼu;*+ suuta jedhaniis magaalattii keessa asii fi achi ni deemu.+
7 Wanta afaan isaanii keessaa yaaʼu* ilaali;Arrabni isaanii akka goraadee ti,+Sababiin isaas isaan, “Eenyutu dhagaʼa?” jedhu.+
8 Yaa Yihowaa, ati garuu isaanitti ni kolfita;+Saboota hundumaattis ni qoosta.+
9 Yaa Waaqayyo, ati iddoo amansiisaa ani kooluu itti galu* waan taateef,+Yaa Jabina koo, ani sin eeggadha.+
10 Waaqni jaalala amanamaa natti argisiisu na gargaara;+Waaqayyo miira injifannootiin gara diinota koo akkan ilaalu godha.+
11 Sabni koo akka hin irraanfannetti, isaan hin ajjeesin.
Humna keetiin asii fi achi akka jooran godhi;Gaachana keenya kan taate yaa Yihowaa, isaan akka kufan godhi.+
12 Cubbuu afaan isaaniitii fi dubbii arraba isaaniitiin kan kaʼe,Abaarsaa fi gowwoomsaa dubbataniin kan kaʼes,Sababa of tuulummaa isaaniitiin kiyyoodhaan haa qabaman.+
13 Dheekkamsa keetiin isaan fixi;+Lammata akka hin argamnettis isaan fixi;Waaqayyo Yaaqoob gidduutti, hamma andaara lafaattis bulchaa kan jiru taʼuu isaa akka beekan godhi.+ (Seelaa)
14 Isaan galgala haa deebiʼan;Akka sarootaatti haa gururiʼan,* suuta jedhaniis magaalattii keessa asii fi achi haa deeman.+
15 Wanta nyaatan barbaacha asii fi achi haa jooran;+Akka isaan quufan yookiin bakka boqotan akka argatan hin godhin.
16 Ani garuu, waaʼee jabina keetii nan faarfadha;+Ganamas waaʼee jaalala kee isa amanamaa gammachuudhaan nan dubbadha.
Sababiin isaas, ati iddoo amansiisaa ani kooluu itti galu,+Yeroo rakkina koottis iddoon itti baqadhu dha.+
17 Yaa Jabina koo, ani faarfannaa galataa siif nan faarfadha;*+Waaqayyo iddoo amansiisaa ani kooluu itti galu, Waaqa isa jaalala amanamaa natti argisiisu dha.+
Miiljaleewwan
^ Ibsa Jechootaa ilaali.
^ Kal., “manichaatti.”
^ Ykn., “Warra dhiiga dheebotan.”
^ Ykn., “lubbuu koo.”
^ Ykn., “ni dutu.”
^ Ykn., “maddu.”
^ Ykn., “ol kaʼaa taʼe.”
^ Ykn., “haa dutan.”
^ Ykn., “muuziqaa nan qopheessa.”
